Home - Utusan Borneo - Berita Iban - 52,410 saman dikeluarka ba 2009
52,410 saman dikeluarka ba 2009
Posted on January 3, 2010, Sunday
Semua saman nya bekaul penyalah APJ enggau Akta Gerempung Lisin Pengangkut (ALPK)
KUCHING: Opis Perengka Pengangkut Jalai Alun (JPJ) bisi ngeluarka 52,410 saman bekaul enggau penyalah ba jalai alun dalam timpuh Januari ngagai 30 November 2009 taun tu tadi.
PERESA: Raban polis meresa siku driba motosikal maya Ops Ambang Tahun 2010 t tengah malam 31 Disember 2009 enggau tumu pagi 1 Januari tu tadi ba sekeda endur ba Kuching, ditu.
Pengarah JPJ Sarawak Abdul Hamed Akob madahka 41,026 saman dikeluar ngagai perengka pengangkut empu siku-siku lalu 10,874 saman ngagai perengka pengangkut dagang.
Kelimpah ari nya ba perengka pengangkut mensia mayuh dia 469 saman udah dikeluarka.
“JPJ mega bisi nyaman entuka ngelatih driba iya nya 41 iti,” ku iya.
Antara penyalah ba saman tu iya nya nadai lisin driba 13,613, ngachau pejalai 13,613 enggau pengerusak teknikal 6,948.
Ku iya ba timpuh nya kes ti dibai ngagai kut mega nambah iya nya bisi 13,068 kes.
Hamed mansutka jaku tu ngagai pengarang berita rambau Ops Tahun Baru malam hari Empat tu tadi.
Hamed mega madahka penyampau urang ti enda ngena belulang duduk belakang entuka mega agi ngirauka ati.
Ku iya tu nitihka rikod dalam tempuh Januari ngagai November taun siti tu kemari.
Ba timpuh tu JPJ mega udah ngetan 23 buah perengka pengangkut ti nadai lisin ari menua luar.
Naka kediatu JPJ udah tetemuka 750 perengka pengangkut ti nadai permit ba menua tu, ku iya.
<< Previous Entry - Next Entry >>
