Home - Utusan Borneo - Berita Iban - Iri pemereti ati nyimpan duit: Taib
Iri pemereti ati nyimpan duit: Taib
Posted on April 28, 2010, Wednesday
Bekelimat lalu seliahka diri ari ulah ngeluarka belanja enda betatak
KUCHING: Kepala Menteri Pehin Sri Abdul Taib Mahmud nyangka trend nyimpan duit deka jauh kusut ketegal mensia mayuh kemaya ari tu ti enda nemu natak diri bebelanja.Taib madahka ketegal ulah mensia ti enda nemu natak diri belelanja kemaya aritu deka ngerusak tuju ati sida ti deka nyimpan duit.
Iya madahka, enti mensia mayuh lalu terunda enggau ulah ti baka tu dia trend nyimpan duit ba menua deka turun ba maya ti deka datai.
“Dipelaba aku trend simpan duit deka majak kusut ba maya ti deka datai enti nyema mensi mayuh enda nemu bekelimat sereta nitihka peneka ati,” ku iya ti lalu mandingka ngagai ulah mensia mayuh rindu bebelika barang dataika ngabis duit.
Taib bejaku munyi tu ba pengerami makai malam ‘Terima Kasih’ Minggu Saham Amanah Malaysia (MSAM) ti diatur Permodalam Nasional Berhad (PNB) ditu malam ensanus.
Bisi enggau ngulu pengerami tu iya nya Chermin TNB Tun Ahmad Sarji Abdul Hamid enggau Presiden ti mega Tua Pemesai Pengereja Pengawa TNB, Tan Sri Hamad Kamal Piah Che Othman.
Taib taja baka nya agi pechaya nengah penegap penatai pemisi tambah ngagai siku-siku menis diatu nyangka ulah nyimpan duit ulih diiri ngagai sida ti rebak baru.
Ku iya, ti nyema pemereti ati ti baka tu ulih diiri ba sida nembiak rebak baru dia persin nyimpan duit nyangka tau ngemuaska ati.
Nambah jaku iya nya dia iya minta mensia mayuh bejimat agi bebelanja laban kitai ba menua tu endang bepegai ba adat bekelimat.
Ku iya enti dibanding enggau penatai pemisi irang adapka baratm dia kita ti adapka timur tu ngembuan tinggi ati pemereti ati nyimpan duit.
Bandingka penemu iya nya dia iya madahka orang Malaysia udah ngayanka pemereti ati senentang nyimpan duit.
Taib berebak enggau tu muji PNB laban pemujur bejalaika tanggung pengawa meransang mensia mayuh nyimpan duit.
Ku iya, PNB udah ayan bendar meransang mensia mayuh nyimpan duit dalam tanggung pengawa kompeni tu. Iya mega muji PNB laban ti ngatur pekit nero ngagai bala anak mit ti tau ngiri pemereti ati pasal nyimpan duit.
Taib madahka chara belajar enda formal baka tu tau mantu nambahka penemu bala anak mit.
“Chara ngajar ti enda formal ngagai anak mit patut mayuh agi diatur laban tu tau nyemelaka pengawa belajar formal ti ditih sida tiap hari”.
<< Previous Entry - Next Entry >>
