KUCHING: Kentucky Fried Chicken (KFC) palan pemakai jampat ngelancharka Black Pepper Crunch ia nya sebengkah nah baru ba palan tu.Nah ti disadangka dikerindu mensia mayuh tu beresipika ayan guring lada chelum ti panduk dataika kuning mas.
Menija Penyual KFC Kenneth Lim nah baru tu ngayanka KFC endang selalu besedia napi ubah pemansang pemakai ba palan makai ti dikerindu mensia mayuh tu.
“Kami arap bendarka black pepper tu deka ngemuaska ati bala pengerindu KFC,” ku iya.
Pemakai baru tu ti bejuluk ‘New KFC Black Pepper Crunch, It’s Peppered to Perfection’ ia nya asil tengkebang Yum! ti ngempu francaisor KFC serata dunya.
Set pemakai baru tu dijual enggau rega entara RM7.90 ngagai RM10.90.
KFC bisi 36 restoran di Sarawak nyengkaum 16 di Kuching.