Maya ngumpul uras berubah ba sekeda endur

0

KUCHING: Trienekens (Sarawak) Sdn Bhd madahka kompeni tu enda gawa ngumpul tauka muai uras kena 1 Jun 2011 tu ila, ba sekeda sitak pegai Opis Kunsil Kandang Menua Padawan (MPP) enggau Opis Kunsil Kandang Mengeri Kuching Selatan (MBKS).

Nitih ku surat ke dianjung ngagai bilik berita kemari, kompeni nya madahka pengawa ngumpul uras ba sitak nya deka diadu tumu agi ari nya, iya nya kena malam Gawai, 31 Mei 2011 (Hari Dua) beserimbai enggau kemisi Gawai.

“Ubah ba jam ngumpul uras tu semina dipejalai enda lama aja sereta berat laban hari orang kemisi hari besai Gawai Dayak, dua hari nya lalu ditaga pemayuh uras nya deka nambah lalu ditambah agi enggau penyekut ba jalai alun ba sekeda sitak,” ku Menijer Opis (Perkhidmatan dan Logistik Trienekens Sarawak) Sdn Bhd Sarius Lee.

Sitak MPP ke kena bungkur alai ngumpul uras kena malam 31 Mei tu iya nya, Pasar Duranda Emas, Tapah Baazar, Beratok Baazar, Kampung Beratok, Kampung Cina Tapah, Kampung Payang, Kampung Maang, Kampung Sungai Riset enggau Kampung Skuduk.

Sitak bukai baka Kampung Chupak, Kampung Annah Rais, Kampung Temurang, Kampung Danu, Kampung Bengoh, Kampung Bayur, Sigandar, Kampung Jambu, Kampung Karu, Pasar Teng Bukap, SMK Padawan, Kampung Praya, Kampung Mundai, Kampung Braang, Kampung Serumah, Kampung Gayu, Kampung Staang enggau Borneo Height Resort.

Lalu ba sitak MBKS, ba Lorong Lapangan Terbang 1, 2, 3, 4 enggau 5, Village Grove Condominium, 4-Point Hotel, Polarwood, Lorong Stutong 2C, Lorong BDC F, F11, Lorong BDC G, Lorong Lapangan Terbang 5 (Panggol Jaya), Kampung Cemerlang, Malaysia Airport Bhd enggau Pangkalan Tentera Udara Diraja Malaysia (TUDM).

Sitak maya ngumpul uras kena 30 Mei diganti enggau 31 Mei, iya nya Taman Country Wood, Taman Padawan, TUDM Quarters, Hong Seng Garden enggau Taman Chong Kong.

Pengawa ngumpul uras ari 1-2 Jun ke mungkur Kampung Siburan, Balai Polis Siburan, Kampung Cina Siburan, Kampung Duras enggau SMK Siburan deka diganti enggau hari bukai.

“Ba sitak ke nadai disebut ditu, pengawa ngumpul uras deka digaga baka selama.

“Jam pengawa ngumpul uras deka pulai baru baka selama belabuh ari 2 Jun,” ku Lee.

Ba penerang bukai, orang mayuh ke diau ba sitak ke bisi ubah ba jam tauka hari ngumpul uras dilalau mansutka tong uras sida iya sebedau pukul 5 pagi kena 31 Meilaban Trienekens deka ngumpul uras belabuh ari tumu pagi.

Lee mega ngelalau orang mayuh ngasuh sida iya beratika semua teda tauka laluh utai ke dibuai tauka uras sida iya disimpan enggau manah ba dalam beg sebedau muai ke dalam tong sampah.

Tong sampah mega patut seruran ditutup kena nyeliahka jelu tauka ai ujan masuk ke dalam tong uras nya.

“Sida ke muai uras domestic sebarang alai deka diambi atur nengah Ordinan Lembaga Sumber Asli dan Alam Sekitar,” ku iya.

Orang mayuh ke deka betanya enggau silik agi tau betelafon ngagai opis Trienekens ba lumur telefon 082-612300.