Site Last Updated 12:47 am, Saturday

IKM keterubah ba Bintulu nyendiaka mayuh macham kursus: MARA

by Eta Jaweng. Posted on August 31, 2011, Wednesday

BINTULU: Institut Kemahiran MARA (IKM) Bintulu ba KM 20, Jalai Bintulu-Sibu iya nya sebengkah palan bejalaika pengawa latih teknikal ba baruh Majlis Amanah Rayat (MARA) ti bepun bejalaika pengawa kena 28 Mac 2011.

Penumbuh palan latih IKM ba mengeri Bintulu tu dikena ngangkatka pemujur raban bansa senentang pengawa dagang, pelajar sereta pengelandik beranakka puku ngagai raban Bumiputera.

Nambahka nya, dikena ngadaka modal insan global enggau integriti sereta bepelasarka inovasi i-Pekerja.

Nitihka penerang, disadangka IKM Bintulu berengkah ngambi raban nembiak keterubah bejalaika pengawa latih ba palan nya kena Januari 2012.

Tebal agi, mensia mayuh ti dikelaluka nampung pelajar ba palan tu iya nya nembiak ti udah mujur nembuka pelajar ba tikas Sijil Pelajaran Malaysia (SPM) kelebih agi enda mujur nampung pelajar ngagai palan Institut Pelajar Tinggi Awam (IPTA) tauka Institut Pelajar Tinggi Swasta (IPTS).

Kelimpah ari nya, sida patut ngembuan pengerindu ba pengawa teknikal (Minyak enggau Gas), peranak menua Malaysia sereta Bumiputera lalu berumur entara 17 nyentukka 40 taun.

Palan IKM Bintulu ngembuan perengka latih teknikal ti engkeman sereta nitihka piawaian industri baka makmal computer, palan endur diau, dewan makai, dewan utama, dewan teater, kompleks lumba enggau padang main bol, library, bengkel fabrikasi, gelanggang tenis, surau enggau perengka ti bukai mega.

Entara kursus ti bisi disediaka ba palan tu iya nya Sijil Teknologi Kejuruteraan Fabrikasi Paip, Sijil Teknologi Kejuruteraan Fabrikasi Struktur, Sijil Teknologi Kejuruteraan Operasi Loji, Sijil Teknologi Kejuruteraan Penyelenggaraan Instrumentasi & Kimpalan Loji enggau Sijil Teknologi Kejuruteraan Pemasangan Elektrik.

Berebak enggau nya, ngagai raban ke mujur nampung pelajar ba palan IKM Bintulu deka bulih penguntung laban elaun ninting bulan bisi disediaka, yuran belajar enggau palan diau enda bebayar sereta diberi awak nampung pelajar ngagai palan institut latih ba menua tu tauka menua luar ti dipelanja MARA.

Penerangka silik bekaul enggau palan IKM Bintulu tauka kursus ke bisi disediaka tau nemuai ba http://www.ikmbintulu.blogspot.com tauka www.facebook.com/institut kemahiran mara bintulu sereta ulih mega betelefon ba lumur 086-311313 enggau 086-317144.

Print Friendly

We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Comments are closed.