Betemu Masterpiece ba TK Pub & Karaoke, 22 Oktober

0

DATAI MERINDANG: Raban Masterpiece deka merindang mensia mayuh ba TK Pub & Karaoke kena 22 Oktober tu ila.

SIBU: Sekali agi raban Masterpiece penanyi ‘rock’ Iban keterubah ba menua tu deka betemu enggau mensia mayuh ba Telaga Kumang (TK) Pub & Karaoke kena 22 Oktober(hari Enam) tu.

Tu kedua kali Masterpiece datai merindang ba TK tang serak tu keterubah iya raban tu deka bekenaka ‘live band’.

Masterpiece pegari ba dunya muzik Iban nengah lagu tebilang baka ‘Sinu’, ‘Bulat Atiku’, ‘Misteri’ enggau mayuh bengkah lagu ke bukai kelimpah ari kala bulih lima iti anugerah ba Anugerah Muzik Dayak (AMD) taun siti suba.