SIBU: Ex-nembiak Sekolah Menengah Kebangsaan (SMK) Methodist ditu deka ngatur pengerami makai lemai ba Hotel Tanahmas kena 4 Disember tu, berengkah ari pukul 6.30 lemai.
Keterubah iya pengerami tu diatur lapan taun ke udah ti dipejadika nembiak sekula pom 5 1973, bela diatur ba Hotel Tanahmas lalu digulu ex-nembiak sekula nya.
Ba pengerami ke diatu, komiti pengatur pengawa ngelaluka penatai nembiak Pom 3 sekula nya bagi taun 1971 enggau Pom 6 (1975).
Pengerami makai lemai tu dipelanja Patrick Tan lalu bela ngelaluka penatai semua nembiak sekula SMK Methodist ke dulu suba.
Ku Tan, pengerami tu engkeman amat diatur alai semua nembiak sekula nya suba betugung lalu betemu baru kelimpah ari ngerapitka agi kaul enggau pangan diri.
Ngagai sapa ke bisi ati enggau pengerami tu ila tau betelefon ngagai Tan nengah lumur 013-8375985, Lee Hock Bee (012-8099838), Ho Poh Soon (016-8758208), Chieng Jin Qin (084-316552), Lau Cheng Tiong (016-8885956), Lau Hin Chai (012-8885032) enggau Arthur Wong Yuk Chu (016-8890696).