Pengelantang sida patut dikemerat belama lebih agi nyerumba sesebengkah pengerami
DR ANNUAR
SIBU: Komiti Pengintu Pengelantang Nangka udah mujur nemuai ngagai rumah pengandai tuai Sibu Benevolent Society ditu, lemai kilah ensanus.
Raban tu betuaika Kaban Kunsil Nengeri (ADUN) Nangka Dr Annuar Rapee lalu disempulang Sapit Chairman Parti Sa’ati Rayat Sarawak (SUPP) Pampang Sibu, Vincent Goh Chung Siong.
Nitihka dipadah Annuar, pengawa nemuai nya diatur Komiti Pengintu Pengelantang Nangka beserimbai enggau Taun Baru Cina.
“Kitai enda tau enda ngingatka orang tuai. Nadai salah kitai begulai enggau sida nyerumba pengerami Taun Baru Cina tu.
“Rebak baru patut nemu pemesai reti bebasaka orang tuai laban enti nadai sida, kitai rebak tu enda ngasaika pengelantang kemaya hari,” pia ku iya madah ngagai pengarang berita.
Ku iya nambah, tuju sida nemuai laban deka begulai nyambut Taun Baru Cina enggau bala ba rumah pengandai tuai dia.
Berebak enggau nya megam Annuar bisi nyuaka Angpau ngagai bala dia.
Bela bisi enggau pengawa tu iya nya, Chairman Komiti Pengintu Pengelantang Nangka Abang Morni Abang Zainuddin enggau Ketuai Raban Nembiak SUPP Pampang Sibu, Toh Jack Kuong.
Keingatka orang tuai