Home - Utusan Borneo - Berita Iban - Redak Rumah Nanang nerima RM500 ari Jacob
Redak Rumah Nanang nerima RM500 ari Jacob
Posted on February 6, 2012, Monday
MARUDI: Perintah Barisan Nasional (BN) bebendar deka ngelempung penusah ke nating rayat.
Berebak enggau tu mega BN ngansak mensia mayuh ngambika semampai begempung lalu meri sukung sida ngagai chalun Barisan Nasional.
Penemu tu dipansut Sapit Menteri Dagang Antarabansa enggau Industri, Dato Jacob Dungau Sagan lebuh bejaku ba Pengerami Betemu enggau Rayat ba Rumah (Rh) Nanang Duyun, Sg Tudan Ujung Daun, pagi ensana.
Rumah panjai 34 pintu nya udah tekerap kena 14 April, 2011 nabanka semua keresa rumah.
MP Baram Dato Jacob madah, iya nemu penusah tu ari sekeda opis perintah pia mega ari DO Baram, Joseph Belayong tang enda memukai iya nadai maya lepa ngelawa sida.
Ba penemuai tu, Jacob meri bantu RM500 sepintu ngagai Rumah Nanang.
Bisi bejaku ba pengerami nya mega SAO Jeffery Jalong ti ngarika DO Baram Pemesai JASA Baram, David Belulok.
Bisi ngulu pengerami nya mega Penghulu Ayub Hassan enggau sekeda tuai Rumah ari rumah panjai ke ngelingi nya.
