Ho Leng ngarapka kelikuh penemu entara DAP enggau SUPP ulih atur

Posted on February 21, 2012, Tuesday

SIBU: Chairman DAP Sarawak Wong Ho Leng nanggi tuai SUPP ngambika ulih bekelikuh penemu pen­gudah mendingka sebengkah kelikuh ke mujur diatur entara Datuk Seri Chua Soi Lek eng­gau Lim Guan Eng Hari Enam tu tadi di Kuala Lumpur.

Bejaku ba pengerami Taun Baru China DAP lemai nya, Ho Leng madahka bisi sekali SUPP Sibu Daniel Ngieng udah besetuju , tang setegal pengawa bepilih nyau am­pir, atur pengawa nya lalu dileka.

Iya madah, diatu nya pen­gawa bepilih udah lempus, nya alai nadai kebuah pengawa nya enda ulih diatur.

“Aram kitai nguing ngagai pengawa bekelikuh baru. Aku nanggi chairman pampang SUPP Sibu Dato Sri Wong Soon Koh pia mega Datuk Seri Peter Chin.”

Ho Leng madahka SUPP ulih milih ni bagi topik bekaul enggau politik .

Ku iya isu bah pan tau meh asal mih isu bekaul enggau pendiau mensia mayuh.

“Atur pengawa nya tau diadu nengah channel Astro, tauka TV1, TV2 enggau TV3. Enda ngira ni bagi topik lalu mensia mayuh deka nyadi akim .”

Maya pengerami nya Hari Enam tu tadi, lima iku tuai penyakal bisi mansutka pene­mu sida, nyengkaum chairman pengatur ADUN Dudong Yap Hoi Liong, Pemantu Khas Ho Leng Oscar Ling, Ketuai ra­ban indu DAP Sibu Alice Lau, orang baru DAP Dr Tang Sie Hing, ADUN Pelawan David Wong enggau MP Cheras Tan Kok Wai.

Semuti Tan aja raban politik ari Semenanjung Malaysia ba pengerami nya . Iya udah ngarika Cheras ngelama enam renggat kenyau ari 1986.

Dalam semua jaku nya, topik numpu ngagai pengawa bepilih besai .

Sida ngansak raban pen­gundi bejalaika hak sida dikena nentuka menua Ma­laysia dipegai ketuai politik ke menuku.

Raban speaker beserung­kaika sekeda topik baka makai suap, chara nguna duit mensia mayuh, kuasa orang mayuh betentuka gaya perintah ti dikedeka enggau pekara bukai.

<< Previous Entry - Next Entry >>

Comments are closed.