Site Last Updated 10:29 am, Wednesday

16 Imam rawatib au nokotorimo elaun

Posted on February 25, 2012, Saturday

KOTA KINABALU: Kiginumu 16 tulun imam rawatib id watas Kunak kipanasalan sabap au nakaanu elaun mantad podi wulan November toun nakatalib gisombaino, ka di Mohamad Rani Mohamad Jahani.

Isio ih pakaraja sabaagi imam rawatib id Kampung Dasar Lama, Kunak minomisunud pambayaran elaun kumaa 16 tulun imam rawatib dino au nabayaran om ontok ahal dino pinosunud kumaa Koupisan Ahal Agama Silam Pogun Sabah (JHEAINS) Kunak, sisimbar ih notorimo nga okurangan bajet.

“Ahal diti kohimayaan kopio sabap pogului diti elaun imam rawatib pinoinsawat kumaa RM450 kumaa RM750 mantad podi toun 2010, katapi nokuro mah di tuh nokoimbulai ahal ‘bajet’ om otopot nopo nga kinoinsawatan gaji imam dino pinosunud di Luguan Montiri sondiri,” ka dau kumaa Utusan Borneo.

Mohamad Rani ih minaganu laang sabaagi moboboros do imam-imam dino minoboros, pinoboros diolo do nokotigog om kipanasalan sabap iyolo apatut do kotorimo elaun miagal ih naanu di imam-imam rawatib ih susuai.

“Numbalan dagai inonguhot kokomoi eluan ih naanu do tulun suai nga otopot nopo nga elaun dagai tiningkadan,” ka dau.

Sundung irad dino, Mohamad Rani ih linantik sabaagi imam mantad podi toun 2008 turus pinapanau karaja dau sabaagi imam rawatib sabap ‘pogului diti nga papanau ikoi tonggungan sabaagi imam sundung pia aiso elaun.”

Tumanud dau, iyolo ih aiso nunuunu notorimo surat oitom opurak kokomoi kopotingkadan dino toiko alasan-alasan diolo nokuro tiningkadan iyolo toiko nokuro tiningkaadan pmbayaran eluan diolo.

Idsuang ahal dino, pokionuon disio oh Komontirian id Koupisan Boyoon Montiri, Datuk Nasir Tun Sakaran tuh sumampalag montok manalasai do kobolingkangan ih kapaamung do iman-imam rawaatib id 16 tinan kaampung id Kunak dno.

Pialatan kampung ih nokoompit nga  Kg Dasar Lama, Kg Kabung, Kg Sungai Atas, Kg Sapang Air om susuai poh.

Pokionuon disio tuh kaanu porinta manalasai kapaamung elaun 16 imam id watas Kunak dino mooi do kaanu iyolo ‘hak’ di kosudong kopio om montok mongilag do ahal dino au gunoon di tinan gugumaga id pomilian tagayo pogun ih pohoroon do soira-ira timpu noopo.

Print Friendly

We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Comments are closed.