KUCHING: Perintah nadai atur nagang tauka negah nembiak mai netbook 1Malaysia ngagai sekula, pia ku Menteri Pengintu Pengelantang, Orang Indu enggau Pemansang Ruang Bilik Datuk Fatimah Abdullah.
Perintah meri netbook 1Malaysia nya dikena ngedut seraka digital nembiak ba sekula menua pesisir enggau mengeri, ku iya.
Ba aku nadai atur nagang nembiak serata Sarawak mai netbook 1Malaysia ngagai sekula sereta ngechas bateri laban kitai nemu netbook nya beguna amat ba nembiak kena ngurangka seraka digital.
¡§Penanggul nya semina nyadi ba sekula menua ulu, lalu pekara nya ulih diputarka sekula nya empu,¡¨ Ku Fatimah.
Iya meri penemu nya lebuh ti ngenang sekeda sekula di menua pesisir Sarawak nagang nembiak mai netbook 1Malaysia sida ke sekula.
Dalam riput surat berita apin lama, Sapit Menteri Pemadah, Penyambung enggau Main Asal Datuk Joseph Salang tekenyit ninga atur sekeda sekula menua pesisir Sarawak ti enda ngemendarka nembiak mai netbook 1Malaysia sida ke sekula.
Ku Salang, nitihka pekara dipadah ngagai iya sekula nya enda ngasuh nembiak ngechas bateri netbook sida ba sekula laban nya ulih nambahka bil elektrik.
Tu berita baru ba aku, tang ukai berita ti manah,¡¨ ku iya bejaku ba sebengkah pengerami di Rumah Jubang Bin, Sebangki Panjai apin lama ke udah.
Sama nyempulang Fatimah ba aum pengarang berita kemari, Menteri Muda Pemansang Ruang Bilik enggau Pelajar Anak Mit, Rosey Yunus.