KUALA LUMPUR: Pengajar patut berani ngerandang enggau ngena chara belajar enggau ngajar ke baru kena nentuka tanggung pengawa ngajar rebak baru ti nampung megai menua mengkang releven, ku Menteri Pelilih Menua Perintah Besai enggau Pemansang Kandang Mengeri Datuk Raja Nong chik Raja Zainal Abidin.
Iya madah juluk Menteri Besai Datuk Seri Najib Tun Razak ke ngubah chara pelajar ari ti ngemeranka konsep ngingat ngagai pengelandik berunding patut ulih diterima raban pengajar lalu nyadi penyemekih dalam kerja.
Nya lai, ku iya raban pengajar ti nyadi ijin pengubah patut ngembuan tanggung pengawa nyungkakka tikas profesyenalisme sida.
“Raban pengajar anang ngembuan pengeleju ba penyakah nambahka chara ngajar kelimpah seruran berunding engkeman, nengkebang enggau inovatif kena nempa nembiak ti ulih besemekih ba semua renggat,” ku iya.
Iya bejaku ba pengerami Hari Pengajar renggat Pelilih Menua Perintah Besai ba Pusat Konvensyen Lembaga Pembangunan Industri Pembinaan Malaysia ditu, Hari Empat. — Bernama