Rayat ke disaman ‘nengah jalai belakang’ aruh ngaga riput ngagai perintah

Posted on June 20, 2012, Wednesday

MIRI: Mensia mayuh ke udah kala disaman tauka dikompaun ari raban peneritadat jalai alun sereta nadai diberi risit saman tauka ‘nengah jalai belakang’ aruh ngaga kumpelin (riput) ngagai perintah.

Aktivis Rama Wan Zain Syed Modzar bisi nerima riput bekaul engau raban peneritadat jalai alun ke ngelanggar atur kereja maya bejalaika pengawa sida.

“Kes baka tu endang bisi nyadi tang enda dipansut laban sida enda nemu chara ngaga riput,” ku iya bejaku ngagai Utusan Borneo kemari.

Iya madahka, bisi kes raban peneritadat ke ngambi chara meri chas saman mata duit tang enda meri sebarang risit.

“Sida  ke nyadi pengereja pengawa perintah, enda patut ngambi atur ke diri empu tauka mejal orang mayuh ke bisi ditemu ngelaban undang-undang jalai alun laban sida tau digantung kereja,” ku iya.

Nitihku iya mensia mayuh ke udah kala dipenyati baka tu tau ngaga riput terus ngagai Opis Menteri Dalam Menua (KDN).

“Kitai enggai meda kes ke baka tu dipeda muntang aja lalu sida ke udah kena penyati baka tu enda tau diau diri tang ngeriput pekara nya ngambika sida tu tau dilempai atur ke terit,” ku iya.

Nitihku iya baru, opis menteri ke bekaul patut ngambi berat ba semua kes riput ke dibantai mensia mayuh lalu raban ke salah ngena kuasa tu dibai ngagai opis ke bekaul.

<< Previous Entry - Next Entry >>

Comments are closed.