Sebun di Sarawak majak kamah kemari

Posted on June 20, 2012, Wednesday

NUMBAS PENGAMAH: Sebum di Sibu maya pukul 11 pagi bacha API urung 71

SIBU: Indeks Pengamah Angin (API) di Sarawak majak niki ngujungka serata nengeri tu betapi enggau tikas angin ke numbas pengamah.

Pelilih Sri Aman ke ngerikut angin beresi Hari Satu tu tadi mega dirampit pengamah, kemari.

Sibu balat napi sebun kemari, nitihka bacha API ari 60 Hari Satu ngagai 71 maya pukul 11 pagi nya.

Miri ngerikut kedua kamah manggai 63 maya pukul 11 pagi.

Bela kamah di Samarahan, ari 61 tumu pagi ngagai 62 maya pukul 11 pagi

Opis Rampa Menua kemari madah, semak semua menua betapi enggau gaya angin ke numbas pengamah.

Nitihka bacha, API ke dikumbai manah iya nya entara 0 ngagai 50 sereta ari 51 ngagai 100 disebut numbas pengamah.

Ba Semenanjung Malaysia bisi ditemu lapan titik angat lalu ba Pulau Borneo bisi 115 titik.

<< Previous Entry - Next Entry >>