Home - Utusan Borneo - Berita Kadazan - RM20 riong pomonsoi sunsuyon id KK Times Square
RM20 riong pomonsoi sunsuyon id KK Times Square
Posted on June 24, 2012, Sunday
KOTA KINABALU: Kiginumu RM20 riong poobion do boogian KK Times Square montok momonsoi iso sunsuyon popiromut do koiyonon dino miampai Terminal Bas Kota Kinabalu.
Potunud Urusan Asian Pac Holding Bhd, Dato Mustapha Buang minoboros balanja dino kaamung pamansaian talun alun ih kigatang RM5 riong om oongo dati idsuang timpu 12 tulan.
Ka dau, sunsuyon kininaru 87.4 meter om haro kalaabon 28.4 meter mangan wonsoyo sumoboros do Bawang Sembulan montok popoingkawas do katbayan piromutan id pialatan KK Times Square miampai longkod kakadaian.
“Sunsuyon diti mangan wosoyon montok tolu kawayaan id nonggo kiharo wayaan mamanau kakod id ponong potitikid sunsuyon.
“Ralan nonudon momonsoi sunsuyon ih nogonop poimponu dino gunoon om aiso pongoputan ponginggayaan gunoon montok mongingkudi balanja koponorinaan ontok timpu rumikot,” ka dau id Ramai Abaabayan Mamabak Tana KK Times Square Link Bridge hiti konihab.
Sunsuyon ih potunda’on dino kaanu nogi kopongingkudi do kasasakan talun alun ih notoguang baino id ralan tagayo.
Ka wagu dau, pamansaian sunsuyon om talun alun dino nopo nga tumanud do ‘piawaian’ U5 om momogunop do kogunoon ih pinaatantu montok ralan Koa Kinabalu.
Namot dino, Mayor Dewan Bandaya Kota Kinabalu (DBKK), Datuk Abidin Maadingkir minoboros sunsuyon kapaamung do ponombuluian dino nopo nga ralan kaparagat mimbosikol mantad Tanjung Aru doid Universiti Malaysia Sabah(UMS).
” Pamansaian sunsuyon diti ih haro kokikitanai pamagayatan, ino popiromut do talun alun mantad KK Times Square ih kasanggup
Ґembinaan jambatan ini diti haro kokikitanai pamagayatan tutumobului, om popiromut nogi do talun alun manta KK Times Square doid Waterfront om Agung Senja.
“Alansan oku do owonsoi nopo sunsuyon diti, ino kaang mongingkudi do kasasakan ralan hiti,” ka dau kumaa do magaganu abar id pitimbungakan kalapas pinotimpuun do Ababayan Mamabak Tana KK Times Square dino miampai Kumoduwo Boyoon Montiri, Datuk Dr Yee Moh Chai.
Minoboros isio do monongkotoluod nogi DBKK kumaa KK Times Square ih kasanggup momonsoi sunsuyon dino id sawat tana diolo sabaagi wookon tonggungan sosial korporat (CSR) diolo.
Namot dino, pinatarang nogi di Abidin do DBKK kakaal id kopoindalanan pogibabarasan miampai tambalut kongsi misokodung kikoompitan miampai pamansaian terminal bas kawawagu.
“Pogibabaras kaampai noh piipiro ‘elemen’ ih apatut poligaton id pialatan duwo boogian om nogi balanja pamansaian.
“Pamansaian terminal ih papanaon baino diti nopo nga obian do Tinimungan Tusin Amanah Padsakaian Tulun ginumuan (KWAPA).
“Pamansaian terminal bas dino mantad DBKK miampai tambalut mikunsi pitambaan momonsoi au poh kaanu popotimpuun gisom asalasai oh pogibabarasan,” ka dau
Tumanud dau, toririmo nogi DBKK maganu laang momorisi do soliwohuk id boogian moniaga Terminal Bas Kota Kinabalu.
<< Previous Entry - Next Entry >>
