Home - Utusan Borneo - Berita Kadazan - Kusai noduso id koligaganan kororosi
Kusai noduso id koligaganan kororosi
Posted on June 29, 2012, Friday
Korita ih pinapanau munggui nasambalik id tampat kinantakan.
KOTA KINABALU: Songulun kusai kinoiyonon noduso soira korita ih pinapanau dau nasambalik id sawat pomiduwo ralan doros do Kilometer 21.9 Ralan Sepanggar, minsusuab konihab.
Munggui nointutunan sabaagi Audray Sqeere Albert, 23, kikotumbayaan minidu pogun id tampat kinantakan sabap noindamaan nosindualan id tulu om songulun kagu tambalut dau nosindualan id koligaganan ih nantakan kiikira jam 4.30 minsusuab dino.
Luguan Pulis Bandaraya Kota Kinabalu, Asisten Komisioner Ahmad Sofi Zakaria ontok romuto konihab pinapatantu do kinantakan dino.
Tumanud dau, munggui songowian tambalut dau ontok diri maamaso id pindalanan muli om pinoboros do korita kawo Proton Saga ih natagak kapadtamangan om kasambalik id pomiduwo ralan do hilo.
Kawagu dau, sabap kinantakan dino munggusi noindamaan nosindualan id ponong tulu om kinoilaan minidu pogun id tampat kinantakan.
“Tinan mungui nowit doid Hospital Queen Elizabeth (QEH) montok pokizazakan monoriuk. Namot dino tambalut munggui kiumur 24 toun baino pokiubatan id Hospital Likas,” ka dau.
Kes dino soriukon tumanud Seksyen 41 (1) Akta Padsakaian Ralan 1987.
<< Previous Entry - Next Entry >>
