Home - Utusan Borneo - Berita Iban - Murum enggau Bakun berengkah ngerembaika ekonomi menua
Murum enggau Bakun berengkah ngerembaika ekonomi menua
Posted on June 29, 2012, Friday
KUCHING: Menteri Perengka Guna Mensia Mayuh Datuk Amar Awang Tengah Ali Hassan disempulang raban pemesai ari opis menteri iya begulai enggau pemesai ari Sarawak Energy Berhad (SEB) nemuai ngagai Bakun sereta Palan Kuasa lekterik Murum Hari Empat tu tadi.
Nitihka penerang ari iya, empat buah turbin Tekat Ai Bakun udah diidup lalu disambung ngagai ‘transmission grid’.
Empat buah turbin ke bukai disadang diidup ba renggat ke bukai lalu deka disambung ngagai ‘transmission grid’ mega.
Tekat Ai Bakun ti tau ngandang ai sepeninggi 228 meter mega deka nentuka ai sungai ngelingi tekat nya seruran enda langkang kelimpah ari ngeluarka kuasa lekterik.
Sarawak Hidro Sdn Bhd diatu ngelebuska urung 950 nyentukka 1100 kubik meter ai sesaat lalu tu chukup dikena nentuka tikas ai sungai lantang endur perau tauka ekspres ai mudik tajapan maya musin kemarau.
Tekat Ai Murum ke benung digaga SEB diatu benung bejalai manah nitihka perambu lalu disadang ngeluarka kuasa ba taun 2014.
Enti tembu ila, tekat ai tu deka ngeluarka kuasa 944 MW.
Awang Tengah chukup arap kededua Tekat Ai Bakun enggau Murum deka ngemansutka kuasa alai tu ulih napi peminta dalam nengeri kelimpah ke tau matak orang beranakka puku ba palan SCORE.
Asil ari palan SCORE deka ngangkatka nengeri tu nyadi nengeri ti ngembuan ekonomi ti tinggi lalu tu mega deka nguntungka kandang menua pesisir.
Projek tu mega deka ngerembaika ekonomi ba kandang endur ti besemak alai tekat ai ba kededua palan ulih dikemansang nyadi palan endur eco-dagang temuai.
Nyempulang Awang Tengah ba penemuai nya Sapit Menteri iya Datuk Sylvester Entri sereta Datuk Dr. Steven Rundi, Kaban Direktor SEB Paulus Palu Gumbang, Sekretari Mendam Opis Menteri Perengka Guna Mensia
Mayuh Ubaidillah Abdul Latip enggau Kepala Pemesai Eksekutif SEB Tornstein Sjovelt.
<< Previous Entry - Next Entry >>
Advertisement
