Home - Utusan Borneo - Berita Iban - Ngiling Bidai ulih ngerapitka kaul diri serumah enggau pengabang
Ngiling Bidai ulih ngerapitka kaul diri serumah enggau pengabang
Posted on July 4, 2012, Wednesday
MARUDI: Gawai Ngiling Bidai ke diintu kelai nutup pengerami Gawai ke berengkah dipenyadika sebulan ke udah lalu hari ke penudi iya nya kena 30 Jun tu tadi tebal agi disambut raban bansa, ku Benjamin Yanda Pemesai Opis Pelajar Pelilih Menua Baram ke bisi dikangau bejadika pengerami Gawai Ngiling Bidai ba Rumah Tuai Rumah Adam Unggie di Sg Nawang, Gudang urung 12 KM ari pasar Marudi, apin lama tu tadi.
Kelimpah ari nya mega, ku Benjamin, pengawa tu tau neritka kaul antara diri serumah enggau pengabang ke datai ari rumah bukai.
“Pengerami Ngiling Bidai tu tebal agi diintu kitai bansa Dayak kelebih agi ari raban bansa Iban,” pia ku iya lebuh bejaku ngarika Alexander Asing Sadai iya nya siku ari Kaban Kunsil Besai Parti Demokratik Progresif Sarawak (SPDP) Nengeri ke lalu nyadi Chairman SPDP Bagi Marudi ke mayuh nyukung enggau mantu pengerami nya.
Lalu kelimpah ari nya mega, Tuai Rumah Adam empu bisi ngenataika jaku terima kasih iya ngagai Alexander Asing ke udah mantu lalu pia mega Kaban Kunsil Nengeri (ADUN) Telang Usan, Dennis Ngau ke udah bisi ngenataika bantu kena ngintu gawai nya.
<< Previous Entry - Next Entry >>
