Pesta Rayat Durin engkeman dikena ngedut kaul

Posted on July 4, 2012, Wednesday

UNGKUP ALBUM: Viviana (duduk) begambar ngambika bisi ke pengingat.

SIBU: Beratus iku peranak rumah panjai enggau bandar Sibu natam pasar Durin ujung minggu tu tadi laban sesama enggai enda ampit meda Pesta Rakyat Durin ke diatur orang Durin.

Macham bengkah main, bansal, enggau panggau pemerindang ngerichahka pasar ke suah dipeda sunyi.

Mensia ke datai mayuh laban deka meda, sereta ngambi bagi dalam mayuh bengkah main enggau pekit ke diatur sepengelama dua hari nya.

Bengkah main nya nyengkaum lumba ai, nangkap itit, nangkap anak jani, ngirit lori, tarit tali, pekit tegar makai, sepak takraw, enggau ke bukai.

Taja pan hari ujan kena malam Hari Enam nya, enda kurang mega ke datai bebaika payung laban enggai enda meda pekit pemajik gamal, Kumang Durin.

Viviana dipilih nyadi Kumang Durin enggau nya iya pulai mai duit tunai RM350, mangkuk enggau selampai.

Nana engggau Shirley Teon ba tempat lumur dua enggau ketiga pulai enda lebu mega mai duit tunai RM200 enggau RM100 seseiku.

Seduai nerima mangkuk, hamper, enggau perais ke bukai.

Shirley Teo menang gelar Miss San Yan Han, Tanya Sayom menang gelar Miss Friendship, Caroline Miss Fotogenik, seraya Wendly Huang menang Miss Gari Pengabis Manah.

Sida nerima RM70 seseiku.

Hari keterubah tembu nyauka maya tengah malam ditutup nengah main bunga api.

Bejaku seraya nyadi pengabang dipebasa maya muka pengerami nya kena pagi Hari enam tu tadi chairman CCK Group  Datuk Tiong Su Kouk madahka pengerami nya nyadika penepan dikena ngelakuka pemaik antara semua bansa.

mandangka pupu raban bansa di Malaysia ke alai peranak menua ke ari mayuh bengkah raban bansa sama datai berami enggau pangan diri,” ku iya.

Iya mega madah, pengerami nya ngayanka konsep 1Malaysia.

Tiong meri duit diri nyampau RM10,000 ungkup melanja pengerami nya.

Residen Sibu  Sim Kok Kee datai bejadika pengerami nya.

<< Previous Entry - Next Entry >>

Comments are closed.