Home - Utusan Borneo - Berita Iban - Semaya deka ngaga Kolej Universiti Teknologi bedau bisi kelai
Semaya deka ngaga Kolej Universiti Teknologi bedau bisi kelai
Posted on July 4, 2012, Wednesday
SIBU: Chairman nengeri Parti Bertindak Demokratik (DAP) Wong Ho Leng betanyaka nama kebuah nyentuk ke diatu nadai bisi udah dipeda kelai Kolej Universiti Teknologi digaga.
Bejaku ngagai pemberita ba Jalai Padang Bilun lama kemari, iya madahka pengawa begagaka universiti nya udah belabuh dalam bulan Jun tu tadi.
“Diatu udah abis Jun, bedau bisi tanda orang begagaka palan nya,” ku sebana iya.
Iya betanya sekalika pengawa begagaka universiti nya sebengkah umpan Barisan Nasional (BN) ngambika menang dalam pengawa bepilih tu ila.
Iya agi ingat perintah udah merambu deka ngaga kolej universiti dalam bulan Jun laban sida belabaka pengawa bepilih deka diatur dalam bulan Julai.
“Naka ke diatu dipeda pengawa bepilih nyangka enda diatur dalam bulan Julai, sekali da agi kitai nganti,” ku iya.
Wong madahka iya bedau nemu kebendar palan alai ke deka nudukka kolej universiti nya.
Bisi datai ngulu aum nya mega Kaban Kunsil Nengeri (ADUN) Pelawan David Wong, Kepala Indu DAP Sibu Alice Lau enggau sekeda orang ukai.
<< Previous Entry - Next Entry >>
