‘Pengelebang’ Norlia Ratbah enda temu penunga

0

SIBU: Piak sekula SK Ulu Machan di Kanowit ngembuan penusah enda nemu penunga seiku pemantu nembiak sekula ke lebang kenyau ari tujuh bulan ke udah.

Norlia Ratbah, 27, ari Kampung Salah Kecil, Daro enda madahka penunga diri seraya enda madahka kebuah enda datai gawa sepemanjai timpuh tu ke balat ngirauka ati piak sekula.

Kali penudi Norlia, dipeda begulai enggau laki sereta seiku anak lelaki iya di kuarters pengereja pengawa sekula nya pun taun Disember tu tadi.

Nitihka seiku (orang meri penerang), piak sekula udah kala nyidi sida sebilik di menua asal iya tang enda mujur.

“Kami nguji betelefon sereta nulis surat ngagai sida sebilik tang nadai nerima timbal,” ku penerang nya.

Tandu penerang nya, Norlia belabuh gawa di sekula nya kenyau ari Jun 2007 bisi kala besebana deka ngetu gawa ngagai bakih sepengawa iya sebedau tu.

Sesapa ke bisi nemu sebarang penerang bekaul Norlia dipinta betelefon ngagai Kepala Pengajar SK Ulu Machan, Kanowit, Julius Ceaser Uri nengah lumur 013-8044636.