Home - Utusan Borneo - Berita Iban - ‘Environment & Hazardous, Stop Pollution, Save Malaysia’ diatur kena 29 Julai: Hii
‘Environment & Hazardous, Stop Pollution, Save Malaysia’ diatur kena 29 Julai: Hii
Posted on July 24, 2012, Tuesday
DIJUAL: Hii (tengah) enggau Wong (dua kanan) enggau bala bukai mandangka DVD enggau CD bekaul enggau lima bengkah isu ke deka dijual maya nya ila.
SIBU: Sibu Bersih begulai enggau Gerempung Friendship deka ngatur Forum Video Bersih: ‘Environment & Hazardous, Stop Pollution, Save Malaysia’ ba premis serakup nya semak Pusat Siviks ditu kena 29 Julai ari pukul 2.00 ngalih hari nyentuk ke 4.00 lemai.
Chairman komiti, Dominic Hii, ngelelakuka mensia mayuh ngulu forum ke enda bebayar.
Iya madah, berebak enggau nya ila, video dokumentari nya deka dijual digaga di dalam DVD, enggau CD ngundan lagu dijual nengah rega RM35, asil ari nya ila deka dipenggau bejalaika aktiviti serakup.
Bejaku ba aum media empai lama ke udah ba premis serakup, forum nya deka nyengkaum mandangka lima isu ke bekaul enggau rampa menua sereta pengerusak, enggau gambar Bersih serata dunya.
Sekeda isu nya deka negu pasal tekat ai, kilang aluminum enggau projek baru di Johor ke digaga kompeni Taiwan Petro-chemical ke enda dikemendarka mensia mayuh di Taiwan setegal pengerusak ke tau nyadi ngagai rampa menua lalu kompeni nya udah dikebu.
Pengawa mandangka dokumentari nya deka ditaga 10 minit ungkup siti isu, Hii madah, isu bekaul enggau projek nya digaga enggau enda betanya sereta tampak.
“Projek nya digaga baka nengah jalai pejal mindah sesebengkah komuniti. Kami nyakal empas tu ngagai rampa menua enggau empas rama ke nyadi ari projek tu ila.
“Nyema projek nya nguntungka mensia mayuh sereta ngangkatka tikas penatai pemisi sereta enda mai pengerusak ngagai rampa menua, nadai kebuah kami ngenggaika projek nya. Kami minta perintah betanggungjawab sereta enda belalai.
“Kami minta perintah nguna Environmental Impact Assessment (EIA) ba semua projek ke digaga ngambika ulih diserenih semua orang,” ku iya baru.
Hii nambah, ba forum video bisi sekeda mensia ke kena paruk bengkah projek nya dipinta mantaika serebana sida.
Sekeda orang ke bisi datai ba aum media nya koordinator Bersih Sibu, Wong Meng Chuo.
<< Previous Entry - Next Entry >>
