Program Sekula ‘Amanah’ mujur menchelakka mata sereta runding nembiak

Posted on July 24, 2012, Tuesday

MANAH ENDAR PENGAWA KITA: Fatimah meda pemanah pengawa ke digaga nembiak sekula sereta bela dikemataka Aluyah (tiga kanan) enggau Jaidah (kanan).

Kitingan: BN enggau PR aruh nejuka parti ari nengeri tu empu ba PRU13

KUCHING: Program Sekula Amanah ke digaga di SK Tabuan Kuching udah ngay­anka pemujur ba sekeda bi­dang kenyau projek besai nya berengkah dipenyadi dalam bulan Januari 2011 sereta udah ngerikut pemujur nem­biak ke nurun besekula nam­bah sereta apai indai nembiak mega majak nemu pemesai reti pelajar anak sida.

Ku kepala pengajar sekula nya, Aluyah Salleh madah program tu udah ngubah pemujur sekula nya, lalu udah ngerikut nembiak pemayuh nembiak ke nurun besekula ngagai 95 persin enti diband­ing enggau kurang ari 80 persin maya program sekula tu berengkah digaga.

“Kami beratika pemujur nembiak ke nurun besekula nyau nambah, laban nembiak diatu udah nemu pemesai reti pelajar,” ku Aluyah.

Iya bechuntoka seiku nem­biak ke patah jari lalu diberi kemisi sakit dua minggu, tang bedau datai dua minggu, nya udah nurun sekula laban iya enggai kena tinggal ba pelajar.

“Pemagas nembiak ke baka tu ke ngangkatka pemerat program tu,” ku iya.

Iya mega madahka runding apai indai ba pemerat pelajar anak sida iya pen berubah, la­ban aum entara apai indai eng­gau pengajar udah ngangkatka pemereti apai indai sereta ngujungka anak sida iya nemu pemesai reti besekula.

“Enti suba mayuh agi pengajar ari apai indai tang diatu, kerusi pen enda chukup alai apai indai duduk. Rindu endar ati meda ubah baka tu,” ku Aluyah madah lebuh dikerandau pemberita maya ngulu Menteri Pengintu Pengelantang, Orang Indu enggau Pemansang Ruang Bilik, Datuk Fatimah Abdul­lah maya penemuai iya ngagai sekula nyaditu, kemari.

Sebedau nya, ba jaku iya, Fatimah madahka sekula nya udah mayuh ubah enti dibanding enggau maya iya nemuai kia suba.

“Tang taja pia, kami mer­ambu deka ngerembaika pro­gram tu lalu ngelalau gerem­pung korporat enggau peribit mantu kami, lebih agi maya pemisi,” ku iya lalu ngasuh Yayasan Amir ngerembaika program tu ngagai sekula bukai ba menua pesisir.

Iya madah ubah baka nya deka diasai ba timpuh ke pan­jai, kelebih agi dalam ekonomi pengawa rama ba nembiak ari ruang bilik ke kurang penatai pemisi.

“Tu penekul ke besai lebih agi ba SK Tabuan. Kami betatika gaya sekula ke ngem­eratka pemanah rampa menua ngambika nembiak pen rindu besekula lalu meda sekula tu ke tau merindang ati sida,” ku iya.

Kelimpah ari nya, Ketuai Pemesai Eksekutif (CEO) Yayasan Amir, Azlan Sharom lebuh dikerandau madah, lebuh sekula nya belabuh di­gaga ngena konsep nya suba, nengah sidik Opis Menteri Pelajar (MOE), sida iya teulihka renggat Band 5 tang diatu udah ngayanka pemujur renggat niki siti gigi, iya nya ba Band 4.

“Chara betuaika sekula sereta komitmen ari pengajar, resipi pemujur sekula, nya alai, kami sigi ransing beratika pemansang penembu projek tu dalam kandang tiga taun tu ila,” ku iya.

Kerejasama entara MOE enggau Yayasan Amir be­ratika pakar ke dianjung ari sektor probet sama-sama bejalaika operasyen sekula nya, enggau pengajar sereta chara sekula nya ngatur ko-kurikulum, pekara wang eng­gau pejalai pengawa enggau sekeda pekara bukai.

Program lima taun mega diatur ba S.K Combined, S.K Empila, S.K Bandar Kuch­ing No.2 enggau S.M Sains Kuching.

Sama bisi ngulu atur pen­gawa nya kemari, sapit di­rektor opis pelajar nengeri, Jaidah Alek.

<< Previous Entry - Next Entry >>

Comments are closed.