Home - Utusan Borneo - Berita Iban - Kennedy Jawan diberi basa bejadika produk Malaysia di Afrika Selatan
Kennedy Jawan diberi basa bejadika produk Malaysia di Afrika Selatan
Posted on August 1, 2012, Wednesday
SIBU: Pengari Besai Malaysia ngagai Afrika Selatan Kennedy Jawan udah mujur nemuai ngagai pengawa mandangka produk ari Opis Minyak Sawit Malaysia enggau dua belas kompeni Malaysia ke bukai ba Africa’s Big Seven enggau Southern African International Trade Exhibition di Midrand, Afrika Selatan, empai lama tu tadi.
Maya ke nemuai nya, Kennedy diberi basa bejadika Red Palm Oil Products ti diasilka United Plantation Berhad (UNITATA) enggau Opis Minyak Sawit Malaysia.
Dua iti produk tu iya nya NutroOlive Golden Palma enggau Nutrobake Red Palm Shortening ti ngundan antioksida lalu deka dijual ba Afrika Selatan enda lama agi.
NutroOlive asil ari champur minyak zaitun enggau minyak sawit mansau lalu NutroBake Red Palm Oil Shortening ngundan lemak sayur belinsu kuning mansau ti manah dikena ngelemika pemakai ke ditunu.
Kennedy mega bisi nemuai meda produk ke dibantai kompeni ari Malaysia ke bukai.
Berindik enggau pemujur nya iya muji kompeni ari Malaysia ti enda sanggu mandangka produk ari Malaysia ngagai Afrika Selatan enggau menua tunga selatan Afrika.
<< Previous Entry - Next Entry >>
