Home - Utusan Borneo - Berita Iban - PRS numbuhka komiti beratika atur baru nyiri tuai raban bansa
PRS numbuhka komiti beratika atur baru nyiri tuai raban bansa
Posted on August 5, 2012, Sunday
KUCHING: Parti Rakyat Sarawak (PRS) numbuhka sebengkah komiti ti deka beratika baru senentang atur nyiri tuai raban bansa ke nyengkaum Tuai Rumah (TR), Pemancha, Kapitan, Penghulu enggau Temenggung, ku Presiden Tan Sri Dr James Masing.
Ku iya, komiti ti betuaika Menteri Muda ba Opis Kepala Menteri (Adat Bansa enggau Pekara Penan) Datuk John Sikie Tayai ke disaup sekeda raban Kunsil Besai (MT) deka bejurai lalu netapka atur ti patut dititih maya deka nyiri tuai raban bansa.
“Ba menua Iban, enti bisi 20 pintu tauka ruang bilik ngentapka pendiau diri ba sesebengkah kandang endur tauka nirika rumah panjai, kitai patut ngembuan seiku TR.
“Diatu baka ke dipeda kitai, sekeda kandang endur diau ngembuan ngelui 20 pintu buah bilik tang mengkang seiku Tuai Rumah,”ku iya.
Komiti ti ditumbuhka PRS deka mansik pekara tu, netapka atur ngambika ulih dikenataika ngagai perintah nengeri, tandu iya.
Iya mansutka penerang ba siti aum pengarang berita sepengudah ngulu aum MT PRS ti diatur ba Indu Opis PRS, Pending ditu, kemari.
<< Previous Entry - Next Entry >>
