Home - Utusan Borneo - Berita Iban - Penerang Twitter Manoharan disangkal BN
Penerang Twitter Manoharan disangkal BN
Posted on August 8, 2012, Wednesday
KUCHING: Chairman Penyukung BN Datuk Karim Rahman Hamzah madaka diri chukup enda lantang ati enggau Pengari Rayat Kota Alam Shah Manoharan Malayalam tweet dalam Twitter iya bekaul enggau Datuk Lee Chong Wei ke enda mujur bulih emas lalu dikena iya nyadika isu politik.
Manoharan, dalam akaun Twitter iya madahka Pakatan Rakyat (PR) bisi tuai ke landik nyadi menteri lumba enggau main lalu madahka enti PR megai Putrajaya, Malaysia deka mai emas pulai dalam Sukan Olimpik 2016 di Rio, Brazil.
Karim, dalam sistem jaku pesan (SMS) dianjung iya ngagai The Borneo Post bedau lama ke udah minta penyakal ngerintai kabinet senaya sida dulu lalu nanya pengulih PKR, DAP enggau PAS nentuk ke gaya sida meri sapa bagi nama ke deka dichiri nyadi Menteri Besai enti sida menang dalam Pengawa Bepilih Besai ke-13 tu ila.
Manoharan dalam Twitter bisi mega madah Malaysia deka menang emas keterubah pengudah PR megai perintah menua.
Tweet ke dikirum iya sepengudah Chong Wei alah udah megau sereta ngujungka mensia meri komen lepas Twitter tweet iya dikirum nengah website baka Facebook.
<< Previous Entry - Next Entry >>
