Site Last Updated 1:40 am, Tuesday

‘Borneo Auto Fest’ diatur nyerumba Hari Malaysia

Posted on August 28, 2012, Tuesday

‘BORNEO AUTO FEST’ KE PENGABIS BESAI: Lo (dua kanan) meda baner Borneo Auto Fest ke dipandangka Edwin (kiba). Sama bisi dalam gambar, Michael (dua kiba) enggau Hashim (kanan).

KUCHING: Siti pengawa pemandang ngayanka urung lebih seratus buah kerita manah, ‘Borneo Auto Fest’ deka diatur di sitak MJC beserimbai enggau Hari Malaysia, belabuh ari 15-17 September tu ila.

Pengatur pengawa keterubah iya tu, Autek enggau Fest Event deka bekerejasama enggau Opis Kunsil Majlis Perbandaran Padawan (MPP) deka ngangau peminat kerita di serata menua tu nyengkaum ari Sabah, Brunei enggau Kalimantan, Indonesia.

Chairman MPP, Lo Khere Chiang madah tuju ngatur pegawa tu ukai semina deka ngangkatka pengawa pemandang industri automotif, tang mega deka ngangkatka pengawa dagang temuai di Kuching.

“Kelimpah ari pemayuh orang ke deka datai meda pengawa pemandang tu, atur pengawa baka tu mega manah kena diri sebilik belelak meda pengawa pemandang kerita nyengkau ngangkatka makit dagang temuai.

“Sarawak ngembuan mayuh utai ke manah, ke patut diangkatka ngagai orang luar. Tambah, semua orang deka bulih penguntung ari pengerami baka tu, ari pengawa pemandang, kedai, hotel, kedai makai enggau sekeda palan bukai,” ku iya.

Iya madah baka tu ba aum media begulai enggau pengatur pengawa, Fest Event betuaika Edwin Then di Opis MPP ditu kemari. Sama bisi enggau ba aum media, iya nya Sapit Chairman MPP Hashim Yap enggau Sekretari MPP Michael Saweng.

Entara buletin ke sama bisi ngangkatka pengawa pemandang industri automotif tu ila, iya nya dua buah buletin kerita di semenanjung ICE, Kar HiFi enggau sebuah menua tu empu, The Borneo Talk.

Iya nambah baru, siti agi tuju ngatur pengawa pemandang industri automotif, laban ngangkatka nembiak menua tu ke mayuh bisi pengerindu ba industri tu.

“Nembiak kemaya hari tu mayuh ke bisi pengerindu ukai semina dalam kerita, tang mega mutosikal enggau basikal,” ku iya.

Entara pengawa bukai ke bisi diatur dalam pengawa nya, pekit ngaga chura anak mit, konvoi kelab kerita, kerita empat ruda, pengawa pemandang baju, ngena basikal ngereja pengawa pengasih (charity), pekit ngambi gambar Canon, pengawa pemerindang sereta mayuh macham pengawa bukai.

Ba pengawa pemandang kerita enggau automotif bukai, orang mayuh ke bisi ati deka masuk pengawa pemandang tu tau ngambi pom nengah www.facebook.com/borneoautofest tauka betelefon ngagai Edwin (016-892 7770) tauka Benson (016-893 3383).

Bayar masuk pengawa pemandang kerita tu deka bebayar nitihka kategori ke deka dipasuk, baka kategori audio, mayar RM300, tauka kategori auto RM60.

“Tu peluang ke manah alai mensia mayuh ke datai ulih meda bemacham gaya penyikap ke bisi kena kerita baka lampu, ‘sound system’, kelimpah ari bekunsi peneleba,” ku Lo.

Print Friendly

We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Comments are closed.