Pemberita televisyen aruh enda tekebur

0

DITASIH: Jabu (kanan) ngauk ngena kubi seraya bejadika pengawa nasih tanah endur nirika kededua opis MAIS enggau Kot Bumiputera
di Samarahan ditu, kemari.

SAMARAHAN: Perin­tah sereta rayat Sarawak nadai penanggul ngampun pengilap penabur berita televisyen ti salah jaku bejaika mengeri Bintulu,” ku Sapit Kepala Menteri Datuk Patinggi Tan Sri Dr Alferd Jabu.Bedau lama tu tadi, penabur berita sebengkah kompeni televisyen tekelanjur jaku alai iya mansutka penerang ti madah Bintulu sebuah mengeri ke suntuk seranta lalu penerang nya balat nge­medis ati rayat Sarawak.

“Ba pengawa kitai ti be­nung nyambut bulan mer­deka engka bisi sekeda orang tekelanjur jaku, kitai sanggup ngampun pengilap nya.

“Nya pekara mit, kitai sanggup ngampunka pen­yalah nya nengah pemaik kaul 1Malaysia.

Ngarika rayat Sarawak ke udah merdeka dalam Ma­laysia, kitai bela ngampun pengilap pangan diri, tandu iya.

Iya mansutka jaku nya nga­gai pengarang berita sepen­gudah bejadi pengawa Nasih Tanah Palan Opis Kunsil Adat Istiadat Sarawak enggau Kot Bumiputera Sarawak ba Samarahan kemari.

Ku iya, semua orang ke idup enda lari ari ngereja pengilap lalu pekara ke bansa nya anang dikemesai.

“Kitai bela ngaga pengilap dalam pengidup, aku pan suah mega ngaga pengilap lalu aku sedia diembing nuju jalai ti betul,” ku iya.

Rayat Sarawak lebih agi sida ke diau di Bintulu bisi mansutka jaku ngansak pen­abur berita nya minta ampun ngagai mensia mayuh ngena chara tebuka dalam semua media.

Bisi mega ke minta opis pengemata kompeni tel­evisyen beratika pekara nya enggau dalam sereta nyekat pekara tu nyadi baru jemah ila.

Rayat Bintulu mega ma­dah, menegri nya udah nyadi sebuah bandar industri ke mansang nyingkang lalu enti nadai ketegal Bintulu, nadai KLCC. Bintulu bandar kuasa ke mansutka pengeraja asal nasional.

Pengerami ngintu Hari Malaysia renggat nasional deka diatur di Bintulu kena 16 September tu.