MIRI: Sepuluh buah gerija ari Kaban Gereja Methodist Miri deka ngatur kimpin pemeresi kena 17 September.
Taun siti nyin tadi urung 200 kambut uras bisi digumpul seraya kaban gerija berunding netapka kimpin nya diatur ninting taun.
Taun tu, sida deka ngatur kimpin besai nya ba kandang endur ke alai bisi didirika gerija.
Kemari raban komiti gerija udah betemu enggau mayor Datuk bandar Lawrence Lai.
Ba aum nya, pengatur udah minta bantu ari kunsil bandar baka kereban pengangkut dikena begumpulka sereta sereta bebuaika uras nya enggau pekara bukai.
Datuk Bandar enggau kaban pengatur nya nesau orang mayuh mantu kimpin nya lebih agi sida ke diau ba estet rumah enggau palan pendiau.
Lai muji kaban tu ke ngembuan inisiatif ngatur kimpin lalu ngansak gerempung engau badan bukai nyunto sida ngereja aktiviti awakka Miri tau mansang nyadi bandar ke beresi, likun sereta manah.