Home - Utusan Borneo - Berita Iban - Pemayuh penggi perintah besai ngagai S’wak mandangka pemerat ba pelajar
Pemayuh penggi perintah besai ngagai S’wak mandangka pemerat ba pelajar
Posted on September 6, 2012, Thursday
BAKONG: Perintah Menua udah ngungkupka 37.3 biliun dikena nyikap perengkaguna mensia mayuh, sekula, pelajar nembiak mit, teknikal enggau vokasyenal di Sarawak.
Sapit Menteri Dagang Antarabansa enggau Industri Datuk Jacob Dungau Sagan madah, penyampau ungkup nya udah disebut maya mantaika bajet 2012 ngambika bisi dikena ngemansangka nengeri tu lebih agi ba pekara pelajar.
“Perintah arap bendar, pemujur pekara pelajar ulih nyaup nempa modal mensia ke besemekih sereta nyadi reta menua,” ku Sagan lebuh bejadika pengerami Hari Merdeka di SMK Bakong, empai lama tu tadi.
Ku Sagan, perintah ngelala pemerat sereta pemesai guna pelajar taja pan dikena nyapai nya begynaka belanja ke besai.
Nengah bajet nya ku Sagan, nembiak udah diseliah ari mayar macham rengka.
Lalu enggau nya mega Sagan ngarapka apai indai ulih nyaup ngansing anak sida ngambika bebendar agi ngulihka pemandai.
“Enti semua nembiak kitai ngemeratka pelajar, pemujur mega ba sida teulihka pemutus kelas tinggi,” tandu Jacob.
Teks jaku iya nya dibacha sekretari politik Kepala Menteri Kunsilor Kijan Toynbee.
Sagan maya nya, benung ba SMK Long Lama bejadika kelas Pom Enam seraya ngematak pengeransing sida napi pelajar.
“Aku arap, nengah sistempelajar ke manah, SMK Bakong dikearap ulih nempa mensia ke menyana ba rebak baru,” ku Sagan.
Berebak enggau nya iya mega nandu nyerita lebuh maya Menteri Pelajar ke mega Sapit Menteri Besai Tan Sri Muhyiddin Yassin lebuh iya ke Lapok enggau Long Peluan bisi nebah penyampau RM2.8 miliun dikena ngemanah semilan buah sekula di Baram.
“Aku ke seiku menteri deka suah agi nabur pemerat pelajar ba menua pesisir sereta minta pekara tu dikemerat ba opis menteri perintah besai.
Nyerumba pengawa bepilih ke deka diatur enda lama agi, Sagan minta peranak Baram seruran nyukung perintah BN.
<< Previous Entry - Next Entry >>
