Home - Utusan Borneo - Berita Iban - Kompeni ke ngeruga tanah NCR di Melikin disaman
Kompeni ke ngeruga tanah NCR di Melikin disaman
Posted on September 7, 2012, Friday
Peranak ari 17 buah genturung pendiau nya negika undang-undang nengah Messrs Baru Bian and Advocates
KUCHING: Mensia mayuh ari Genturung Pendiau Melikin Balai Ringin, begelumu ba komplek kot Kuching kemari laban deka nyaman dua buah kompeni ke ngeruga tanah Adat Asal (NCR) sida.
Saman nya difailka sida nengah See Chee How, luyar ari Messrs Baru Bian and Advocates. Penyampau tanah sida ke kena keruga urung 12,000 hektar.
“Kami udah dipinta nyaman ganti rugi sereta perintah kot ngelaban dua buah kompeni nya, klien kami ari 17 buah genturung pendiau nya,” pia ku See.
Sama bela bisi dia meri sukung iya nya Kaban Kunsil Nengeri Krian Ali Biju
Mensia mayuh ari menua nya deka nyaman kededua kompeni nya sepengudah randau ke diatur ba Balai Polis Serian kena Hari Dua tu tadi enda mujur mutarka penanggul enggau dua buah kompeni nya enggau orang ke beempu tanah NCR nya.
Pekara tu nyadi lebuh mensia mayuh ba kandang menua nya kena bulan November taun siti nyin kemari nemu kebun, pun buah, sawit enggau utai tanam sida ke bukai ke diuan sida lebih ari 100 taun dipunaska dua buah kompeni nya.
Kompeni nya madahka tanah nya diempu sida beduduk ari surat suwa sementara (PLs) atas tanah endur betanam sawit dikemendarka, tang lebih 300 iku mensia mayuh ba kandang menua nya madahka tanah nya tanah sida ditinggalka orang ke tuai kelia.
<< Previous Entry - Next Entry >>
Advertisement
