Site Last Updated 12:29 am, Thursday

Pom SVTB1M tau diambi ba semua opis ke udah dipadu

Posted on November 2, 2012, Friday

KUCHING: Pom Sumbangan Veteran Tidak Berpencen 1Ma­laysia (SVTB1M) tauka pemeri RM1,000 (sekali beri) diatu udah tau berengkah diambi ba Opis Hal Ehwal Veteran (JHEV) ATM (Soldadu Malaysia) serata menua nyengkaum ba JHEV Pampang Nengeri Sarawak.

Direktor JHEV ATM Pampang Nengeri Sarawak Lt. Kol Monday Juhid madah, ba Sarawak pom SVTB1M tau diambi ba 11 kem soldadu di nengeri tu, kelimpah ari ba opis JHEV ATM Pampang Nengeri Sarawak.

Pom nya mega ulih dichelak ari www.jhev.gov.my kelimpah ari diagih ngagai empat serakup ex- soldadu nengeri tu ngambika disadung ngagai Veteran ATM, ku iya.

“Pom SVTB1M ulih diambi enggau nadai bebayar berengkah seharitu (1 November) ngagai 30 November 2012. RM1,000 sekali meri nya berengkah diberi ngagai Veteran ATM ke patut nerima ba pun bulan Januari 2013.

“Veteren ATM tau ngambi enggau nganjung pom nya ba Kem Pakit (13 RAMD), Sri Aman; Kem Sri Limbang (Komp B/3 RRD), Limbang; Kem Sri Miri (20 RAMD), Miri; Kem Sri Rejang (510 AW), Sibu; Kem Sematan (BN 3/511 (AW)) sematan/Lundu; Kem Semenggo (671 Kem Transit), Kuching; Kem Penrissen (71Bn KPD), Kuching; Kem Tanah Putih (RNO Kuching), Pending; Kem Balai Ringin (13 RAMD), Se­rian/Simunjan; Kem Betong (Bn 2/511 (AW), Betong enggau Kem Kuala Segan (Bn 2/510 (AW)), Bintulu.

“Kelimpah ari nya, pom nya mega bisi diberi sereta tau diambi ba opis Gerempung Ex-soldadu Malaysia (PBTMS), Gerem­pung Veteran Soldadu Malaysia Sarawak, Gerempung Veteran Renjer Sarawak enggau ba opis Gerempung Ex-soldadu Tasik Malaysia Sarawak,” ku iya.

Monday mansutka pekara nya maya baum pengarang berita bekaul SVTB1M ke diatur ba opis JHEV ATM Pampang Nengeri Sarawak ditu, kemari.

Ba Bajet 2013 ke dibantaika Menteri Besai, perintah udah be­setuju meri bantu sepenyampau RM1,000 (sekali meri) ngagai 234,500 iku veteran ATM ke tumu badu gawa laban kurang ari 21 taun sereta nadai pinchin ke nyengkaum pemesai enggau raban Lain-Lain Pangkat (LLP) ti nadai pinchin.

Tuju SVTB1M dikena perintah beterimah kasih sereta ngenang pengangkun enggau servis Vet­eran ATM ti nadai pinchin tegal ngetanka pengelikun menua.

“Diatu kitai enda nemu pen­yampau kebendar Veteran ATM di Sarawak ke nadai pinchin. Ngarapka nengah SVTB1M kitai nemu penyampau ke betul. Taja pia kitai arap bendar lebih ari 8,000 iku Veteran ATM ke nadai pinchin,” ku iya.

Nitihka atur enggau penerima ke patut, SVTB1M diberi ngagai orang ti kala nyadi Soldadu Tetap ATM; raban soldadu volenter ATM ti enda ngira pengelama; Force 136; Soldadu British ti gawa di Malaya/ Malaysia tauka Sin­gapura sereta Sarawak Rangers.

Bela datai ba aum pengarang berita nya kemari, Sekretari Be­sai Gerempung Veteran Renjer Sarawak Kapten Mohd Johari Ibrahim, Kapten Mohd Handeri Hashim (B) ngarika PBTMS eng­gau kebukai.

Print Friendly

We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Comments are closed.