NGEDUT KAUL:Entali (bediri lima kanan) enggau bala pemain .
SIBU: Urung 16 bengkah tim udah masuk pekit main badminton ke diatur Sarawak Dayak National Union (SDNU) pampang Sibu enggau Kelab Rekreasyen Dayak Sibu (DRCS).
Pekit tu diatur ba gelanggang badminton di Indu Opis Polis di Jalai Abang Haji Openg tembu kena Hari Enam tu tadi.
Chairman SDNU pampang Sibu Entali Tutong madahka pekit nya diungkup ngagai pemain Dayak dibagi ngagai dua kategori iya nya lelaki bepasang tebuka enggau lelaki veteran tebuka.
“Kami udah mujur matak tim ari Bintangor enggau Sarikei pia mega ngundang pemain China enggau Melayu,” ku iya.
Pekit nya meri perais duit tunai RM300, RM200 enggau RM100 ngagai champian, kedua enggau ketiga.