Saturday, August 13

PAS 111 minta Shafie ngeamatka semaya

0

MIRI: Menteri Pemansang Menua Pesisir enggau Kandang Menua Malaysia Datuk Sri Mohd Shafie Apdal udah besemaya deka ngaga taman endur bemain ba Kampung Rancah-Rancah, Sibuti tang naka ke diatu projek nya nadai dipeda.

Mandal Komisyener PAS 111, Jofri Jaraiee madah, peranak dia udah ngenataika kompelin sida nyebut palan nya udah tumbuh babas bauh lalu projek nya enda nyata.

“Peranak dia minta perintah ngemanahka genturung pendiau sida seraya ngamatka semaya sebedau pengawa bepilih besai ti ke-13 tu,“ ku Jofri pengudah ngelawa Kampung Rancah-Rancah bedau lama ke udah.
Nitihku Jofri, tebal agi peranak dia beridup enggau pengawa berikan sereta bekebun lalu minta jematan kayu dikemanah enggau lengkas.

Jofri madah, maya ke ngelawa genturung dia jalai semin ke sempit ngagai genturung pendiau dia udu merekah sereta semina ulih ditengah sebuah kereban pengangkut aja lalu tau ngeruga pengelikun orang ke bekenaka jalai alun laban parit dalam.