32 iku ngulu Program Latih enggau Pekit Nimbak Sri Aman

0

UNGKUP YB: Zamsari (kiba) benung nyuaka pemeri ngagai Harden (dua kanan) seraya diperatika Felicia Tan (kanan) enggau Jamali (tengah).

SRI AMAN: Bisi 32 iku ari mayuh Opis Perintah Nengeri enggau Perintah Besai ba Sri Aman udah ngulu Program Latih enggau Pekit Nimbak Antara Ketuai Opis Pelilih Sri Aman ke diatur Rejimen Askar Melayu Diraja (13 RAMD) Kem Pakit Sri Aman bepalan ba Padang Lapang Sasar, Kem Pakit Sri Aman, ditu bedau lama ke udah.

Program nya berengkah diatur ari pukul 9 pagi nya mega digulu Menteri Muda Pe­mansang Menua Pesisir enggau Pengawa Berumah Sarawak ke mega nyadi Kaban Kunsil Nengeri (ADUN) Simanggang Datuk Francis Harden Hollis sereta Pemangku Residen Bagi Menua Sri Aman, Felicia Tan Ya Hua.

Pegawai Memerintah Reji­men Askar Melayu Diraja (13 RAMD) Kem Pakit Sri Aman, Leftenon Kolonel, Zamsari Abu Hassan madah, tuju ngatur program nya dikena ngerapitka kaul antara raban soldadu eng­gau mensia mayuh ke ngelingi menua Sri Aman.

Kelimpah ari nya mega, ku iya, program diatur dikena ngatur aum begulai enggai bala tuai opis perintah Sri Aman bekaul enggau perambu ngatur Karnival Sri Aman ke deja diatur 13 RAMD Kem Pakit begulai enggau ijinsi-ijinsi perintah Sri Aman maya ujung bulan Januari tu.

Bisi datai ba program nya, Penulung Pegawai Memerin­tah 13 RAMD, Mejar Salmi Isrikh Ahmad, Kapten Jamadil Halim Azmi sereta Presiden SBR, Jamali Safri.