Sekula nadai minta yuran RM700

0

SIBU: John Tutong, apai dua iku nembiak ke besekula ba sekula sekondari Kanowit, nyemetak madahka piak sekula nadai ngasuh anak iya mayar yuran sepenyampau RM700.

Enda besekula, John madahka lebuh iya nerima keretas ari anak lelaki iya, iya tekenyit sereta nyida enggau piak sekula tegal minta bayar penyampau nya.

Bayar nya ke bendar iya ungkup semua anak iya ke besekula berengkah ari Pom I ngagai Pom 6 tang ba sangka ati John nya bayar ninting taun ti ngujungka iya saru penemu.

“Aku nadai nanya pekara tu ngagai piak sekula tauka enggau bala anak ba senentang bayar ke balat besai nya. Tang aku betemu enggau Sekretari PKR Kanowit minta bantu ari iya. Nya salah aku,” ku iya.

John bekenangka riput ke dulu agi lebuh iya bedawa sekula ngumpul bayar nyau sampai RM700 ari dua iku anak iya.

Iya dipadahka diasuh mayar RM493.50 ungkup anak lelaki iya ba Pom 4 sereta RM179 ungkup ke biak dalam Pom 1 tang laban ke orang bumai nya kebuah pedis mayar penyampau nya.

John ngakun salah minta pekara nya dipetatika PKR lalu nambahka piak sekula nadai minta bayar nyampau nya ari dua iku anak iya.

Berebak enggau nya,Thomas, ke bisi ba aum media ngalih hari kemari, ngakun penerang ke diambi ari John nya enda amat.

Thomas mega nerangka sekula nadai udah nerima bayar buding ari iya nambahka nya dua iku anak iya enda bemalam.