PKR nyukung Dr Bob Baru ngarika DAP di sitak Lawas

0
KEDUT LUN BAWANG: Baru (duduk, tiga ari kiba) begulai enggau raban nembiak Lun Bawang ke belajar ba UITM begulai ba pengawa pepanggang.

KEDUT LUN BAWANG: Baru (duduk, tiga ari kiba) begulai enggau raban nembiak Lun Bawang ke belajar ba UITM begulai ba pengawa pepanggang.

MIRI: PKR nyukung seiku veteran ke mega seiku Lutur Ngeli, Dr. Bob Baru bediri ba sitak parlimen Lawas nengah tikit DAP, betapi enggau Kaban parlimen sitak nya ke diatu, Datuk Henry Sum Agong  ba Pengawa Bepilih Besai ke deka diatur enda lama agi.

Ketuai PKR Sarawak Baru Bian ensanus madah, Dr Bob meh chalun ke pemadu manah ngarika penyakal, lalu PKR tetap nyukung iya.

“Aku nukuka pekara tu enggau Dr. Bob, iya deka bediri ba Lawas enti DAP milih iya nyadi chalun sereta disukung PKR, “ ku Baru madah ngagai The Borneo Postensanus.

Ku Baru, enti DAP semina milih Dr Bob seiku aja bediri nengah tikit DAP tauka Pakatan Rakyat (PR), PKR deka nyukung, tang enti sema sida bisi chalun bukai, PKR enda nyukung, ku iya.

Baru arap endar ati Bob ulih nundukka rayat ba Lawas enggau Lun Bawang laban iya bisi kaul ke manah enggau mensia mayuh ba menua nya.

Dr Bob lebuhka di kerandau pengarang berita ensanus, meri terima kasih ngagai Baru laban ke nyukung iya nyadi chalun.

“ Pekara tu pulaika pemanah ngagai rayat, laban nyukung aku bediri ba sitak Lawas, “ ku Bob .

Bob diatu benung bejalaika kimpin ngulihka sukung ari rayat ba Ba Kelalan enggau Lawas.

Kaban parlimen Lawas ke diatu Datuk Henry Sum Agong, endang dikelala mensia mayuh di Lawas enggau Ba Kelalan laban iya bagas gawa sereta ngemaruhka diri.

Bob dikelala mensia mayuh laban iya seiku lutur ke mega orang politik ba komuniti Lun Bawang di Lawas enggau Ba Kelalan.