Raban dianjung ke Sabah mai ati ti ransing ngetanka menua

0
RANSING: Teddy Story ti ransing ati bejalaika tanggung pengawa ngetanka menua ke Sabah dianjung anak (Lahyng) enggau bini iya sereta sida sebilik.

RANSING: Teddy Story ti ransing ati bejalaika tanggung pengawa ngetanka menua ke Sabah dianjung anak (Lahyng) enggau bini iya sereta sida sebilik.

KUCHING: Taja pan ati berasai berat ninggal diri sebilik, bini sereta anak, tang pengawa ngetanka pengelikun menua tetap dikemeratka lebih 100 iku pegawai enggau raban batalion Pasukan Gerakan Am (PGA) ti dianjung ke Sabah.

Balai Penerebai Padang Bilun Antarabansa Kuching (LTAK) berengkah tengah hari kemari penuh laban kaban sebilik nganjung lebih ari 100 iku pemesai enggau raban nya ti ngena penerebai khas ke Sabah.

Kepala Polis Sarawak Datuk Acryl Sani Abdullah Sani enggau Sapit iya Dato Law Hong Soon sama datai nganjung raban batalion PGA nya ngagai LTAK.

Teddy Story, 30, ti bepenelaba 10 taun gawa enggau PGA seiku ari ke dipilih dianjung ke Sabah mantu mutarka insiden tama enda beradat ti nyadi di Sabah.

“Pengeransing mai ati keran deka betapi enggau raban penyelawai ari Sulu.

“Laban endang udah tanggungpengawa, pengawa tetap dikemeratka. Sama bela besampi ngambika sama bela lantang, aku lantang , bini anak lantang sereta kami sebilik lantang,” ku iya ti asal ari Sri Aman ke bisi anak Seiku Lahung Teddy ti beumur dua taun lebuh dikerandau pengarang berita kemari.

Berebak enggau nya Mohd Mala Led lebuh dikerandau ngarapka tanggung pengawa di Sabah ulih teputar enggau jampat enggau Malaysia sereta LAhad Datu lebih agi, likun baru baka ngelama tu.

“Kitai enggaika penyarut terus nyadi, nya kebuah kitai kin mai pengeransing ati ke tinggi ngambika menua ulih likun sereta lantang baru.

“Kami kin laban bejalaika tanggungpengawa baka ti diasuh sereta nyaga pengelikun enggau pengelantang, mantu raban kitai di Sabah,” ku iya ti nadai dianjung sida sebilik.