Mensia mayuh dipinta nyaup ngiga Mai Sian

0

KUCHING: Seiku indu ke bisi penimpang akal Foo Mai Sian (gambar) diriputka lebang, kemari.

Pengereja pengawa rama ke lalu nyadi pengari Hope Kuching Kelvin Wan madah, iya nemu penerang pasal pekara tu ari apai Mai Sian Foo Fah Chin ti madahka iya lari ari rumah sida di Kampung Kudei ditu kena hari Lima tu tadi.

“Anak indu iya ngenyit muka pintu lalu ngebuka diri lari ari rumah. Seduai melaki bini enda tepelampatka iya. Maya ke ngerarika diri ari rumah iya ngena baju-T mirah enggau tanchut bechura enda bekasut tauka beselipar,” ku Wan.

Wan mantu Foo ngaga riput polis ba Balai Polis Satok pagi kemari.

Ruang bilik Foo udah nerima bantu ari Hope Kuching kenyau ari taun siti nyin kemari.

Barang sapa ke bisi penerang pasal pengelebang anak indu iya, tau betelefon ngagai Foo nengah lumur 082-232946 tauka Wan ba lumur 016-866 0711.