Telefon Opis Bomba enti bisi kayu nekul jalai

0

SARIKEI: Enti bisi kayu tumbang lalu nekul pejalai trafik nya sebengkah tanggungpengawa Opis Bomba.

Berindik ari nya, orang mayuh ke bisi meda utai tu nyadi tau madah ngagai sida (Opis Bomba), pia ku seiku pemesai ari Balai Bomba Pelilih, Haron Jenai.

Iya muji pengibuh seiku orang periman nama Lau ke betelefon ngagai Balai Bomba madahka sida bisi tepedaka kayu ruat ninggang Jalai Pisang Emas, belakang sepital ditu urung tengah malam Hari Satu tu tadi.

“Udah nerima kangau, iya mai tim ari bomba meresa seraya bebaika perengka dikena ngadu pengawa.

“Pengawa nya tembu dalam timpuh 20 minit alai sida ngerat lalu lumpung kayu nya diangkut ke bukai,” ku Haron ke madah enda ngasuh sida betelefon ngagai sida enti kayu ke ruat nya enda nekul pejalai kerita tauka ngeruga mensia mayuh.