Site Last Updated 2:37 am, Friday

Kereban kimpin BN di sitak Kanowit bedau mayuh ayan

Posted on April 23, 2013, Tuesday

KANOWIT: Naka kemari sepengudah pengawa ngantung nama kena hari Enam tu tadi, pasar Kanowit udah berengkah dilagu enggau poster tauka kereban kimpin parti ti bediri maya Pengawa Bepilih Besai Ke-13 (PRU13) ti deka datai.

Ba pemayuh nya, poster enggau kereban kimpin enggi Parti Keadilan Rayat (PKR) jauh mayuh dipeda ari Parti Pekereja Sarawak (SWP) lalu ditangkan Parti Barisan Nasional (BN).

Pekara tu mega nejuka rayat dia mengkang apin nemu kebuah penyalai pekara nya nyadi maya atur kimpin pengawa bepilih serak tu.

Bisi mega bala ba sebelah pasar madahka pekara tu nyadi nyangka agi tumu alai muai undi.

“Nyangka kereban nya empai mayuh dipandangka ngagai mensia mayuh ditu, nya alai, naka ke pagi tu (kemari), poster tauka kereban kimpin enggi BN empai mayuh bisi dipeda,” ku seiku ari bala ke bedaja ba dia ti enggai madahka nama diri.

Taja pan baka nya, ku iya, iya pechaya pekara tu ukai mandangka pengusut sukung rayat ngagai parti BN ba PRU13 tu ila.

Penuduk Parlimen Kanowit deka diperebut tiga sukut parti ari chalun Barisan Nasional-Parti Rayat Sarawak (PRS) Datuk Aaron Ago Dagang ti mega penyandang Parlimen Kanowit, chalun Parti Keadilan Rayat (PKR) Thomas Laja Besi enggau chalun Parti Pekereja Sarawak (SWP) Ellison Ludan Mayan.

Print Friendly

We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Comments are closed.