SIBU: Seiku apai minta saup mensia mayuh ngiga anak indu iya ke lebang kenyau ari Hari Satu tu tadi.
Tila Dayat, 46, lebuh dikerandau kemari madah, anak indu iya Evelyn Timek,14, benung belajar ba Pom 2 di sebuah sekula sekondari ditu.
Ku iya ti semina nemu berita penyadi nya udah bekau dipadah seiku anak indu iya urung pukul 3 lemai.
Ku berita nya, Evelyn enda nurun sekula sehari nya udah iya madahka diri pedis perut.
Bini iya, Tila ke gawa nyadi amah ngelalau anak pengkuan iya nya belelak di rumah aja.
Nitihku Tila, iya dipadahka orang Evelyn bisi dipeda nepan sebuah van suwa.
Bepun ari nya, anak pengkuan ari enam iku diri menyadi nya enda ulih ditelefon agi.
Tila ke gawa ba sebengkah ijinsi perintah ditu madahka riput polis udah digaga.
Berindik ari nya, mensia mayuh ke nemu penunga Evelyn dipinta betelefon ngagai lumur 0194387435.