Peranak Rh Ampi bekalih sukung ngagai BN

0

BINTULU: Bala rayat di Rumah Ampi Sungai Seleju Pandan pegai Pelilih Mit Menua Sebauh madahka diri 100 peratus nyukung Barisan Nasional (BN) dalam pengawa Bepilih Besai Ke-13 (PRU-13) tu ila lalu badu agi nyukung parti penyakal.

Dikena ngelai sida badu agi nyukung Parti Tindakan Demokratik (DAP) ti diarika Dr John Brian lalu bekalih ngagai BN, Tuai Rumah Ampi empu nukar baju DAP ti dikena iya enggau baju lambang dachin ti sigi lambang BN kenaka Hari Dua tu tadi rambau Dato’ Seri Tiong King Sing datai betemu enggau bala mensia mayuh ba rumah panjai sida.

Pia mega, Ampi enggau bala sida serumah nurunka lambang sereta menira DAP lalu diganti enggau menira BN dikena nandaka sida serumah sigi nadai belampung ati meri sukung ngagai chalun BN iya nya Tiong.

Keterubah iya, Tuai Rumah Ampi enggau nembiak redak iya endang nyakal perintah beduduk ari sekeda penanggul ti nuntung sida, taja pia sida serumah berubah runding lalu ngalihka diri nyukung BN dalam PRU-13 tu ila.