Site Last Updated 1:25 pm, Friday

DCCI nyendiaka bantu nampung pelajar ba Kolej Sunway,Kuching

Posted on May 5, 2013, Sunday

KUCHING: Nembiak sekula bansa Dayak ti teulihka kredit ba lima bengkah matapelajar nyengkaum English enggau Matematik ba peresa SPM tau minta lun nampung pelajar ba accountancy enggau finance ngambi program Certified Accounting Technician (CAT) di Kolej Sunway Kuching.

Sapit Presiden Balai Dagang enggau Industri Dayak (DCCI) Dato Sri Celestine Ujang madah, atur tu dikemujur nengah program pemansang ke diperambu Bumiputera Agenda Steering Unit (Teraju) sereta Yayasan Sarawak.

Iya madah, nembiak ke mujur dalam program CAT deka diberi peluang gawa ba siti ari 25 bengkah kompeni ti ngaul diri dalam projek Score nengah kerejasama pintar tu.

“Atur tu meri awak ngagai sida iya ngerebut pengawa puang ti disedia SCORE. Ditemu semua dia agi kurang bansa Bumiputera ke nyadi akauntan ba kompeni.

“Nengah program tu, Yayasan Sarawak deka mantu nembiak mayar bayar ngerejister, tuition, bayar ninting taun sereta bayar peresa nitihka atur lun ke alai semua atur deka ditetapka Yayasan Sarawak,” ku iya ba sebengkah penerang berita empai lama ke udah.

Pengawa ngelaku, meri penerang senentang program tu udah diatur bedau lama tu tadi ti dipenyadika Ujang.

Sepenyampau 30 iku orang ti ngarika SDNU, Sarawak Dayak Graduates Association (SDGA), Sarakup Indu Dayak Sarawak (SIDS) datai ngulu pengawa nya..

Bela bisi datai ngulu pengawa ke diatur sekretariat DCCI, kepala pemesai eksekutif Kolej Sunway Kuching Joseph Lim.

Print Friendly

We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Comments are closed.