Raban nembiak tu aruh belajarka pengelandik

PENGUJUNG PENGAWA: Abdullah (kanan, mua) enggau Peter Kilas (tengah, mua) seraya dikemataka bala tuai rumah ke bukai maya ngelai Pengerami Ngiling Tikai ba Rumah Peter Kilas ba Nanga Selidap, Bintangor, ensana.

Berebak enggau nya, tuai rumah dikearap ngiring peranak ke enda mujur ba sekula ngulihka penemu teknikal

BINTANGOR: Juluk ati perintah deka ngangkatka raban nembiak ti enda mujur nampung pelajar tau bulih pengawa bekaul enggau pengelandik teknikal, ulih disaup bala tuai rumah.

Kaban Kunsil Nengeri (ADUN) Semop Abdullah Saidol madahka, pekara tu patut diperatika bala tuai rumah ngambika anang nyalam nyema bisi nembiak rumah panjai sida nyentuk ke diatu lalu bedau bulih pengawa ti manah tauka badu agi besekula.

“Perintah sayauka rebak tu laban diatu menua kitai mayuh nyediaka pengawa puang ba pengelandik teknikal.

“Nya alai, kitai ngarapka bala tuai rumah tau ngembing nembiak rumah panjai sida ngambika enda sanggu ngulu latih ti bekaul enggau pengelandik teknikal,” pia ku iya madah maya ngulu Pengerami Ngiling Bidai ba Rumah Peter Kilas, Nanga Selidap ditu, ensana.

Pengerami tu mega bela digulu bini iya Norasyikin Ibrahim enggau Tuai Rumah Peter Kilas empu.

Iya ti mega Ketuai Sekretari Politik Kepala Menteri madahka, bala apai indai enda ibuh irauka senentang belanja belajar laban perintah nengah gerempung Tabung Ekonomi Gagasan Anak Bumiputera Sarawak (TEGAS) ulih mantu bala nembiak nampung pelajar sida ba pelajar baka ba pekara teknikal.

“Kitai deka meda rebak baru tu tau menyana laban rebak tu nentuka chura pemansang enggau politik menua dudi hari ila.

“Tang kitai mega enggai meda sida kelalu meraya ba perintah tang meseti ngembuan pengeransing deka ngemansangka diri empu,” ku iya madah.

Kelimpah ari nya ku iya, rebak baru maya hari tu enda baka jeman suba.

Sida mayuh agi dibantai enggau ubah teknologi baka nengah ‘laman sosial’ alai mantaika penemu diri senentang pekara dikingin tauka pekara ti enda dikerindu sida.

“Enti sida tu enda dijaga berengkah ari diatu, kitai jemah ila deka tusah.

“Berindik ari nya, perintah maya tu bebendar ngembing nembiak baru ngambika tau ngembuan ulah ti lebih agi chakah sereta berani laban sida nyadika serak kitai nentuka pemansang menua udah tu ila,” pia ku iya madahka baru.

Abdullah maya tu mega bisi ngenang senentang pengawa beripai ke patut diatur rayat maya ngaga projek ke diberi perintah.

Kebuah pia laban kenu ku iya, nengah chara beripai ungkus projek ke diberi nya ulih dikenyadika mimit.

“Ari chara tu, kitai ulih ngena ungkus nya ngaga projek sebengkah agi.

“Nambahka nya, tu mega ulih ngenyampatka sesebengkah projek laban enti nganti kontraktor ngambi tender projek nya enda semaya belabuh digaga,” pia ku iya madahka baru.

Nangkan rumah panjai nya, Abdullah ngabang ngagai pengerami ke sebaka ba Rumah Peter Mudai, Sungai Sian, Bintangor.

Dua bengkah rumah panjai tu sebagi ari urung 50 buah rumah panjai tauka nyauka 800 pintu kena pegai DUN Semop alai Abdullah ngabang berengkah Hari Gawai tu tadi nyentukka Pengerami Ngiling Bidai sehari nya (ensana).

What do you think of this story?
  • Angry (0%)
  • Sad (0%)
  • Nothing (0%)
  • Interesting (0%)
  • Great (0%)

 

We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Affiliates

 

Supplement Downloads

Member of