PKR gagit ba pengawa bepilih ukai ngemansangka menua

0

SIBU: Pengagit ati PKR nganti pengawa bepilih kelai ke tampak amat mandangka PKR semina gagit ba pengawa bepilih tang ukai gagit ngemansangka menua, ku Kaban Kunsil Besai PBB, Abdul Karim Rahman Hamzah.

Lebuh ke macha berita ba surat kabar ti madahka PKR ngembuan juluk ati deka bepilih ba setengah ari 71 sitak kunsil nengeri di Sarawak ba pengawa bepilih menua ke -11 tu ila, ke alai sida udah nyendiaka diri tumu deka napi pengawa bepilih menua nya.

Ketuai Nembiak PKR, Iskandar Samsul ba riput arap endar ati sida mujur ba semua sitak nya.

“Malaysia sebuah menua demokratik lalu sebarang parti ke bisi direjister tau enggau ba sebarang pengawa bepilih.

Taja pia, nadai ngelaban pengagit PKR nganti pengawa bepilih nya diatur,” Abdul Karim said.

Ku iya baru, “Kami perintah BN menua tu bedau agi berundingka pengawa bepilih menua nya laban timpuh DUN diketuka agi lama.

” Abdul Karim,ke mega Menteri Muda Pemansang Nembiak sereta Kaban Kunsil Nengeri Asajaya madahka, “Baru setengah penggal tu ditengah, nama kebuah beumban deka ngatur pengawa bepilih menua ? PKR udah sedia sereta deka nudukka chalun ba setengah ari 71 iti sitak.

” Tanya iya baru “Sapa nembiak baru ke benama Shamsul nya ngasurka idung diri ngagai menua Sarawak? Dini alai Baru Bian deh? ” “Tu mandangka PKR ba tikas nasional ngemaruhka ketuai sida di Sarawak lebuh ketuai nembiak PKR ari Malaya mantaika langgur penemu sentang penuduk di Sarawak.

Aku arapka semua rayat Sarawak ulih macha pekara tu enggau terang.

Baru Bian, Ali Biju, See Chee How enggau Dr Teo (Yu Kheng) nadai bejaku mayuh sentang kuing parti tu,” ku iya.

Semua pekara tu ditetapka ketuai penyakal, Datuk Seri Anwar Ibrahim.

Lebuh ke ngenang sentang Shamsul baru, iya ngelalau Shamsul awak ninggalka menua Sarawak.

“Kami bisi ketuai menua ke landik seeta parti ke ulih ngintu menua tu, kami enda begunaka orang ari luar baka iya enggau parti iya nentuka kuing kitai,” ku Abdul Karim.

Dulu ari nya, Mandal presiden PBB Datuk Daud Abdul Rahman madahka penyakal enda tau enda nerima pemutus penemu ari rayat taja pan sida alah ba pengawa bepilih menua dudi tu ila.

Sida anang nyungkit tauka sebana sentang pengelurus sistem pengawa bepilih ti dipejalaika.