Beratus iku datai ngulu pengawa ngelumbung niang Edward Manjah

0

NGENATAIKA PENYINU ATI: Nanta (bediri) begulai enggau bala kaban belayan, bakih ba pengawa ngelumbung niang Edward Manjah kena lemai Hari Enam ujung minggu tu tadi.

KAPIT: Beratus iku peranak menua Kapit ari mayuh bengkah raban bansa bisi enggau ngulu pengawa Ngelumbung niang Edward Manjah Teguran ba rumah iya di Jalai Selirik kena Hari Enam tu tadi.

Pengawa Ngelumbung tu sebengkah ada asal Iban dikena ngingat orang ke udah nadai begulai enggau kitai lalu ngemansutka balu ari adat ngulit enggau kaul rama.

Sebedau pengawa ngelumbung tu diadu mayuh pemali enda tau enda diintu sida sebilik enggau kaban belayan lebih agi balu kelimpah ari enda berichah sereta berami besai, pejalai disekat enggau mega pekayan (mina ngena gari chelum aja).

Legit pengawa ngelumbung nya beberika duit entebalu ngagai balu nya ngagai ruang bilik enggau kaban belayan iya ke udah ninggal bepelasarka penyampau ke dipinta (ruang bilik orang ke udah nadai) senipak enggau adat Iban.

Edward, 83, ada kena5 Februari 1930 ninggalka dunya jam 8:10 malam kena  26 November 2012 ba rumah iya empu di Kuching tang ditumbak ba Pendam Methodist Iban di Jalai Selirik kena 1 Disember, 2012.

Iya ninggalka bini, Anchang Tun Jugah, empat iu anak iya enggau bini sida nya David Joseph Manjah enggau Norlia Abdul Aziz, Lily Edward Manjah enggau Lim JooKok, Pauline Edna Manjah enggau Thomas Charlie Radin enggau Lascelles Manjah enggau  CameliaNuja@Kok Swee Hua enggau mega 13 uchu.

Bala uchu iya MohdYadi Romani, Mohd Denny Jawi, Nadea Melissa, Sura Dalia, Alan Lim Chong Beng, Collin Lim Chong Yeu, Annie Lai Lee Ling, Vivien Lim Kim Yien, Mohd Nicholas Thomas, Dayang Siti Zulaiha, Eric Julian Thomas, Joanne Thomas, Vennazitr Emma Lascelles, Raffael Aljuggi Lascelles enggau Emily Tirra Lascelles.

Sekeda orang ke bisi datai ba pengerami nya Tan Sri Datuk Amar Leornard Linggi Tun Jugah, Kaban Parlimen Kapit Datuk Alexander Nanta Linggi enggau bini iya Datin Angelina Celestine Ujang, Sekretari Politik Kepala Menteri, Wilson Nyabong Ijang, Walikota Opis Pelilih Kapit, Philimon Nuing enggau mandal iya, Kunsilor Jefferson Jamit Unyat, Chairman SDNU Kapit, Joseph Datuk Temenggung Jinggut, Temenggung Datuk James Jimbun Pungga, enggau 600 iku sida sebilik, kaban belayan enggau bala bakih.

Bejaku ngarika ruang bilik orang ke nadai, Sapit Menteri Menua Pesisir enggau Pemansang Kandang Menua Datuk Alexander Nanta Linggi beterimakasih ngagai semua kaban belayan bakih ari serata menua ke sukung enggau bantu dalam pengawa ngelumbung niang Edward Manjah.