KUCHING: Pengawa matau ari langit sereta pengawa ngaga sekat ba jalai alun ke dipejalaika di Kuching ensanus sebengkah ari program kena nyeliahka pengawa jai.
Kepala Polis Sarawak Datuk Acryl Sani Abdullah Sani madah, pekara nya nadai kaul enggau orang jil ti ngelepaska diri ari jil di Indonesia.
Ku iya, berita selebubu madahka orang jil ari Indonesia bisi ngelarika diri ke Kuching lalu ketegal nya polis bisi ngatur sekeda sekat jalai sereta bejalaika pengawa matau nengah langit ngena helikopter.
“Pengawa nya sebengkah ari program nyeliahka pengawa jai ti dipejalaika Indu Opis Polis pelilih mit Kuching begulai enggau Opis pengawa jai Indu Opis Polis Sarawak,” ku iya madah ngagai Bernama ditu malam ensanus. — Bernama