SIBU: Pemutus Pengawa Bepilih Besai Ke-13 (PRU13) apin lama ke udah patut ulih enchelakka mata BN ngambi ngemeratka bala nembiak ke sama bela enggau ngundi. Kaban Kunsil Nengeri Bukit Begunan Datuk Mong Dagang madahka, entara sekeda pekara ke patut diperatika iya nya makmal politik BN patut meda pekara nya enggau silik sereta arapka sida ulih mantaika perambu sentang chara kena matak mayuh agi nembiak rabak baru.
Iya bejaku munyi tu nimbal Menteri Lumba Nembiak enggau Main,Khairy Jamaludin ke minta BN ngulihka sukung ari bala nemb iak di menua Malaysia ngambika teulihka pemuto get support from more youths in the country in order to performus ke manah agi ba pengawa bepilih menua tu ila.
“Aku setuju enggau iya (Khairy) politik deka betapi enggau pemar ke balat agi dalam kandang beberapa taun ke dudi tu ila. Pengundi baru, kelebih agi nembiak rebak baru ke ngundi nya deka nyadika penentu. Penyakal diatu udu agi malutka diri engagu bala nembiak,” ku Mong, ke mega Menteri Muda Betranam Betupi (Pemansik sereta Ngelaku) sereta Ketuai Nembiak PRS.
Dalam berita Bernama bisi madahka Khairy bisi nyebut jalai ke ditengah BN dalam kandang lima taun ke dudi tu ila majak mar.
Khairy mega bisi nyebut, nembiak rebak baru diatu mayuh gawa enggau penyakal nya alai BN pan patut ngereja chara ke sama.
Berebak enggau nya, Kaban Kunsil Besai PBB Abdul Karim Rahman Hamzah madahka BN patut matak sereta ngulaika diri enggau bala nembiak lalu meretika pengingin nembiak enti dekaka sukung ari raban nya.
Taja pia, semua atur pengawa nya enda tau dikumbai muntang magang.
Abdul Karim, ke mega Menteri Muda Pemansang Nembiak sereta Kaban Kunsil Nengeri Asajaya madahka, nembiak ke diatu bepelajar agi, nya alai pengingin sida pan nyelai ari rebak orang ke tuai.